დეველოპერული კომპანია „ავტოგრაფი“ შექმნის დღიდან სასიამოვნო და დაცული გარემოს შექმნაზე ზრუნავს. აქ შესაძლებელია მაღალ სტანდარტს მორგებული საცხოვრებელი, კომერციული თუ საოფისე ფართების შეძენა, რომელიც უმაღლესი ხარისხის ენერგოეფექტური და ევროპაში წარმოებული მასალებით იქნება აშენებული. აღსანიშნავია ისიც, რომ „ავტოგრაფის“ თითოეულ მობინადრეს თავიანთ ახალ ბინებში დახვდებათ დაცვის ძლიერი სისტემა, კონსიერჟის მომსახურება და კიდევ მრავალი სხვა სიურპრიზი. სულ ცოტა ხნის წინ, დეველოპერულმა კომპანიამ ახალი პროექტის გაყიდვები დააანონსა, თბილისის ცენტრალურ სავაჭრო გამზირზე. დეტალური ინფორმაციისთვის OK! გაესაუბრა „ავტოგრაფის“ გაყიდვებისა და მარკეტინგის დეპარტამენტის უფროსს, მარიამ აფაქიძეს.
გვიამბეთ „ავტოგრაფის“ მიერ განვლილი გზის შესახებ.
დეველოპერული კომპანია „ავტოგრაფი“ დაარსების დღიდან აქტიურად მუშაობს, რათა საზოგადოებას პრემიუმხარისხის საცხოვრებელი სახლები შესთავაზოს. ჩვენ უკვე წარმატებით დავასრულეთ სამი საცხოვრებელი კომპლექსის მშენებლობა თბილისის ცენტრალურ უბნებში და ამჟამად მიმდინარეობს ახალი პროექტის მშენებლობა, რომელიც პეკინის გამზირზე ხორციელდება. ეს ადგილი ავარჩიეთ იქიდან გამომდინარე, რომ ერთ-ერთი ყველაზე მოთხოვნადი ინვესტირება უძრავი ქონების მიმართულებით ხორციელდება − როგორც ბინების, ასევე საოფისე და კომერციული ფართების თვალსაზრისით. ჩვენთვის უმნიშვნელოვანეს ფაქტორს წარმოადგენს ის ადგილი, რომელსაც ვირჩევთ. შესაბამისად, მაქსიმალურად ვცდილობთ მოვერგოთ იქ უკვე არსებულ გარემოს ისე, რომ არ დავკარგოთ ჩვენი ერთ-ერთი მთავარი ნიშა − თანამედროვეობა. აღსანიშნავია ისიც, რომ „ავტოგრაფი“ მუდმივად ცდილობს გაანებივროს თავისი მომხმარებლები და სთავაზობს არაერთ შეთავაზებას, მათ შორის სადაზღვევო კომპანია „არდის“ პოლისს, რომელიც უზრუნველყოფს მობინადრეების რემონტის დაზღვევას.
გაგვაცანით „ავტოგრაფის“ დასრულებული პროექტი.
ვერის „ავტოგრაფი“ ძველი თბილისის ისტორიულ უბანში მდებარეობს და პრემიუმხარისხის პროექტს წარმოადგენს. აღსანიშნავია ის ფაქტიც, რომ იგი ჰარმონიულად ერწყმის ძველ თბილისურ ისტორიულ შენობებს და მშენებლობის დაწყებისთანავე დიდი ინტერესი გამოიწვია, მისი უნიკალური ადგილმდებარეობიდან და ხედებიდან გამომდინარე. უმნიშვნელოვანესია პროექტში გათვალისწინებული სასტუმროს ტიპის ლობი, დახურული, გამწვანებული ეზო და ორდონიანი ავტოფარეხიც, რაც მობინადრეებისთვის კომფორტული გარემოს შექმნაში დაგვეხმარა.
გვესაუბრეთ „ავტოგრაფის“ მიმდინარე პროექტთან დაკავშირებით.
ამ ეტაპზე მშენებლობა მიმდინარეობს თბილისის ცენტრალურ გამზირზე − პეკინზე. ვინაიდან ჩვენი არსებობის განმავლობაში არაერთხელ დავამტკიცეთ სანდოობა, მზარდია „ავტოგრაფის“ ბინების გაყიდვის რაოდენობაც, რასაც მოწმობს აღნიშნული პროექტის 30%-ის მშენებლობის პროცესშივე გაყიდვა. აღსანიშნავია ამ პროექტის მდებარეობა, ვინაიდან აქვე, ახლოს, არაერთი სავაჭრო თუ სხვა ტიპის ობიექტი მდებარეობს, რაც ხელს გვიწყობს მობინადრეებისთვის სრული კომფორტის შექმნაში. მნიშვნელოვანია ის ფაქტი, რომ მომავალ მობინადრეებს ბინები ჩაბარდებათ „ჭკვიანი კარკასის“ მდგომარეობით, რაც გულისხმობს კოსმეტიკურ რემონტამდე მიყვანილ სამუშაოებს, 24/7-ზე დაცვას, ინდივიდუალურ სიგნალიზაციას, კარ-ფანჯრის სენსორის დამონტაჟებას, კონსიერჟის მომსახურებას, დასუფთავებას, რემონტის დაზღვევასა და სახანძრო სისტემას. ამდენად, ჩვენს მომხმარებლებს მხოლოდ კოსმეტიკური რემონტის ჩატარება მოუწევთ, ვიდრე თავიანთ ახალ სახლში გადმოვლენ.
გვესაუბრეთ ხარისხთან დაკავშირებით.
უპირველეს ყოვლისა, აღვნიშნავ იმ ფაქტს, რომ ჩვენთვის ყველაზე პრიორიტეტულ საკითხს მობინადრეებისთვის უსაფრთხო გარემოს შექმნა წარმოადგენს. ამდენად, „ავტოგრაფის“ მიერ აშენებულ თითოეულ პროექტში გამოყენებული იქნება უმაღლესი ხარისხის ენერგოეფექტური და ევროპაში წარმოებული სამშენებლო მასალები, ალუმინის ვიტრაჟები და ფინური წარმოების „კონეს“ ლიფტები.
სამომავლო გეგმები.
ვინაიდან, „ავტოგრაფი“ მუდმივად მზარდი კომპანიაა, სულ მალე დავაანონსებთ კიდევ ორი ახალი პროექტის მშენებლობას, რომლებიც განსაკუთრებულ ლოკაციებზე მდებარეობს და მომხმარებელს რადიკალურად განსხვავებულ, ინოვაციურ პროდუქტს შევთავაზებთ, რომელიც დარწმუნებული ვარ, მოლოდინს სრულად გადააჭარბებს.
საკონტაქტო ინფორმაცია:
Facebook: ავტოგრაფი • Autograph
ტექსტი: მარიამ მთივლიშვილი
