უძრავი ქონების სექტორში ერთ-ერთმა ყველაზე წარმატებულმა ქართულმა კომპანიამ საერთაშორისო აღიარება მოიპოვა. ის გახდა პირველი ქართული ბიზნესი, რომელიც ჟურნალ TIME-ის ფურცლებზე მოხვდა, „აპარტ ჯგუფის“ დამფუძლებელი ბექა ხოფერია კი პირველი ქართველი ბიზნესმენია, რომელზეც ამ პრესტიჟული ჟურნალში დაიწერა. ჟურნალ TIME-ის ფურცლებზე მოხვედრა არა მარტო აპარტ ჯგუფისთვისაა უდიდესი წარმატება, არამედ, ამ ფაქტს ჩვენი ქვეყნის საერთაშორისო ბაზარზე წარმოჩენის კუთხითაც უდიდესი დატვირთვა აქვს. აღნიშნული სიახლისა და კომპანიის საქმიანობის შესახებ „აპარტ ჯგუფის“ დამფუძნებელი, ბექა ხოფერია გვესაუბრება.
როდის და საიდან დაინტერესდა TIME აპარტ ჯგუფით?
ბექა ხოფერია: მოგეხსენებათ, მსოფლიოში ერთ-ერთი წამყვანი მედია გამოცემის ყურადღება მიიპყრო, არც ისე მარტივი ამბავია. როგორც ვიცით, გასულ თვეს TIME-ის ფოკუსში მოექცა ჩვენი ქვეყანა და საკმაოდ დიდი და მნიშვნელოვანი გამოცემა მზადდება საქართველოზე ახლო მომავალში. როგორც ჩანს, ქვეყნაში მნიშვნელოვანი ბიზნეს სუბიექტების მოკვლევისას, ჩვენც მივიქციეთ მათი ყურადღება და აღმოჩნდა, რომ ერთადერთი წარმომადგენლები ვართ ამ ეტაპზე, ვისზეც ,,თაიმმა’’ გააკეთა აქცენტი.
რას ნიშნავს იყო თაიმის ფურცლებზე დაბეჭდილი პირველი ქართული კომპანია?
ვფიქრობ, მაშინ, როცა მსოფლიოს წამყვანი გამოცემა გიკავშირდება და გთხოვს, რომ შენს მიღწევებსა და პროექტებზე ისაუბრო, ეს კიდევ უფრო მეტ პასუხისმგებლობას გმატებს, რადგან ამით მსოფლიოს გარკვეულ წარმოდგენას უქმნი შენს ქვეყანაზე, შესაბამისად, ჩვენ ვეცადეთ, რომ ინფორმაცია ყოფილიყო განზოგადებული და აღვნიშნეთ, თუ რამდენად საინტერესო გარემოა საქარველოში ინვესტიციის კუთხითაც და რომ ჩვენს ქვეყანაში არაერთი საინტერესო პროექტი იქმნება.
ჩვენი მკითხველი უკვე კარგად იცნობს თქვენს კომპანიას, თუმცა, კიდევ ერთხელ რომ გვითხრათ, რას საქმიანობს „აპარტ ჯგუფი“ და როგორ ფიქრობთ, რა არის ის მთავარი ნიშა, რომელიც კომპანიას გამოარჩევს?
,,აპარტ ჯგუფი’’ ერთ-ერთი წამყვანი დეველოპერული კომპანიაა, რომელიც მიმართულია პრემიუმ ხარისხის მომსახურების მქონე პროექტების განხორციელებისკენ. ჩვენი მთავარი მახასიათებელი არის მაღალი ხარისხის, ეკო-მეგობრული და ენერგოეფექტური პროექტების იმპლიმენტაცია, რომლებიც არა მხოლოდ შეესაბამება თანამედროვე მოთხოვნებს, არამედ ჩვენს კლიენტებს უქმნის ახალი ცხოვრების სტილსა და კომფორტს ყველა ასპექტში.
რამდენად რთულია დღეს, ჩვენს რეალობაში იზრუნო არა მარტო საცხოვრებელი სივრცის ვიზუალურ დახვეწილობაზე, არამედ გაითვალისწინო ქალაქის ეკოსისტემაც?
დღეს, როდესაც ქალაქები სწრაფად ვითარდება, საცხოვრებელი სივრცის შექმნა მხოლოდ ვიზუალური დახვეწილობით აღარ შემოიფარგლება. ამ დროს აუცილებელია ეკოსისტემის გათვალისწინება და ბუნებრივი რესურსების ეფექტური გამოყენება. ,,აპარტ ჯგუფი’’ მუდმივად მუშაობს იმისთვის, რომ ჩვენი პროექტები იყოს არა მხოლოდ თანამედროვე, არამედ მდგრადი და გარემოსთან ჰარმონიაში მყოფი. ჩვენთვის პრიორიტეტულია ეკოლოგიურად სუფთა ტექნოლოგიების ინტეგრაცია, რათა შევქმნათ კომფორტული, ინოვაციური და ეკომეგობრული საცხოვრებელი გარემო.
რა არის „აპარტ ჯგუფის“ საქმიანობის მთავარი მიზანი?
„აპარტ ჯგუფის“ მთავარი მიზანი არის ინოვაციური, მდგრადი, მაღალი ხარისხის საცხოვრებელი და კომერციული სივრცეების შექმნა, რომლებიც პასუხობს როგორც ადგილობრივი, ისე საერთაშორისო ბაზრის მოთხოვნებს და ქმნის მაცხოვრებლებისა და ბიზნესებისთვის ხელსაყრელ გარემოს.
როგორც ცნობილია, კომპანიას დიდი გლობალური გეგმები აქვს. როგორ აპირებს „აპარტ ჯგუფი“ საერთაშორისო ბაზარზე პოზიციონირებას?
„აპარტ ჯგუფი“ საერთაშორისო ბაზარზე პოზიციონირებისათვის იყენებს სტრატეგიულ მიდგომას, რომელიც მოიცავს რამდენიმე მნიშვნელოვან ნაბიჯს:
- გლობალური პარტნიორობები – კომპანია აქტიურად თანამშრომლობს საერთაშორისო ინვესტორებთან და ფონდებთან, რათა გააძლიეროს თავისი პოზიციები უცხოურ ბაზრებზე.
- ინოვაციური პროექტები – „აპარტ ჯგუფი“ ყურადღებას ამახვილებს მაღალხარისხიან და თანამედროვე მოთხოვნებზე მორგებულ პროექტებზე, რომლებიც მიმზიდველია როგორც ადგილობრივი, ისე საერთაშორისო მყიდველებისთვის.
- მიზნობრივი მარკეტინგი – კომპანიის მარკეტინგული სტრატეგია მოიცავს ციფრული არხების, საერთაშორისო გამოფენებისა და სარეკლამო კამპანიების გამოყენებას, რათა პოტენციურ კლიენტებს მივაწვდინოთ ხმა სხვადასხვა ქვეყანაში.
- ფრენჩაიზინგისა და წარმომადგენლობების გახსნა – საერთაშორისო ბაზარზე პოზიციონირების ფარგლებში, კომპანია გეგმავს საკუთარი წარმომადგენლობების გახსნას სტრატეგიულად მნიშვნელოვან ლოკაციებზე, რაც გაამარტივებს პროექტების გლობალური მასშტაბით გაფართოებას.
კომპანიის მთავარი მიზანი საერთაშორისო ბაზარზე კონკურენტუნარიანი ბრენდის შექმნაა, რომელიც განასახიერებს ხარისხს, ინოვაციასა და საიმედოობას.
როგორი ტენდენცია შეინიშნება საქართველოს ბაზარზე უძრავი ქონების ფასებთან მიმართებით?
ბოლო წლების განმავლობაში, საქართველოში საცხოვრებელი უძრავი ქონების ფასები სტაბილურად იზრდება. ეროვნული ბანკის პროგნოზის მიხედვით, 2024 წელს უძრავი ქონების ფასები 6%-ით, ხოლო 2025 და 2026 წლებში 5.5%-ით გაიზრდება.
ამ ტენდენციას ხელს უწყობს ისეთი ფაქტორები, როგორიცაა სამშენებლო მასალების ფასების ზრდა და უცხოური ინვესტიციების მოზიდვა.
ამგვარად, უძრავი ქონების ბაზარზე ფასების ზრდის ტენდენცია კვლავ გრძელდება, რაც მიანიშნებს საქართველოში სექტორის აქტიურ განვითარებაზე.
თქვენი სამომავლო მიზნებიც რომ გაგვიზიაროთ, რას გეგმავს კომპანია სამომავლოდ?
კომპანია აქტიურად მუშაობს როგორც ადგილობრივ, ისე საერთაშორისო ბაზრებზე განვითარებისთვის და რამდენიმე ძირითად მიმართულებას ასახელებს თავის სტრატეგიულ პრიორიტეტებად:
კომპანია გეგმავს თანამედროვე, ენერგოეფექტური და ეკოლოგიურად სუფთა საცხოვრებელი და კომერციული პროექტების განხორციელებას, რომლებიც მორგებულია თანამედროვე მოთხოვნებზე. ასევე, ჩვენი გუნდი აგრძელებს უცხოური ბაზრების კვლევას და პარტნიორების გაფართოებას, რაც ხელს შეუწყობს საერთაშორისო პროექტების დაწყებას და ინვესტორების მოზიდვას.
კომპანიის მიზანია უფრო მოქნილი და გამჭვირვალე საინვესტიციო მოდელის დანერგვა, რაც ადგილობრივ და უცხოელ ინვესტორებს ახალ შესაძლებლობებს მისცემს. ჩვენ ასევე დიდ ყურადღებას ვუთმობთ ჩვენი პროფესიონალებისგან შემდგარი გუნდის განვითარებას, რათა კიდევ უფრო ეფექტურად ვმართოთ მომავალი პროექტები.
„აპარტ ჯგუფი“ აგრძელებს ზრდას და მიზნად ისახავს, გახდეს რეგიონში უძრავი ქონების მიმართულებით ერთ-ერთი ლიდერი კომპანია, რომელიც ხარისხსა და ინოვაციას გააერთიანებს.
