ახალ წლამდე ცოტა დრო რჩება. დამეთანხმებით, რომ ღვინო საახალწლო სუფრის შეუცვლელი წევრია. ყველა ღვინოს თავისი ხასიათი, ენერგია და ისტორია აქვს. კარგი ღვინოს არჩევა კი არცისე ადვილია. ზოგს თანამედროვე ღვინის გემო მოსწონს, ზოგს კი ტრადიციულის, ორივეს სინთეზს კი ,,აგრიდა’’ გთავაზობთ. მოწეული საფერავის ჯიშის ყურძნისგან დაწურული ,,აგრიდას’’ ღვინო შეფერილობითა და ხილის მდიდარი არომატით გამოირჩევა. დეტალური ინფორმაციისთვის OK! გაესაუბრა „აგრიდას’’ გენერალურ მენეჯერს თამთა ჭკადუას.
,,აგრიდა’’-ს შექმნის ისტორია
მეღვინეობა „აგრიდა“2008 წელს ყვარლის რაიონ სოფელ შილდაში დაფუძნდა. 25 ჰა მიწის ფართობზე განაშენებულია სხვადასხვა ჯიშის ყურძენი. 12 წლის მსხმოიარე საფერავის და საკოლექციო ჯიშის ყურძნის ვენახები, საუკეთესო ხარისხის ღვინის ჩამოსხმის შესაძლებლობას იძლევა. თანამედროვე ლაბორატორიით, ცისტერნებითა და საწარმო ხაზით აღჭურვილი ქარხანა, ღვინის წარმოების მრავალსაუკუნოვან გამოცდილების საფუძველზე ქმნის თანამედროვეობისა და ტრადიციების სინთეზს. თანამედროვე უმაღლესი ხარისხის, იტალიური დანადგარების წყალობით შესაძლებელია 2500ტ ყურძენის გადამუშავება.
ქარხნის ტერიტორიაზე მოწყობილია ტურისტული სივრცე, სადაც 50 მდე ადამიანის მიღებაა შესაძლებელი, სტუმრებს შეუძლიათ მონაწილეობა მიიღონ ქართული სამზარეულოს მასტერ კლასებში, მიიღონ გიდის მომსახურება, შეძლონ ქარხნის დათვალიერება, ღვინის დეგუსტაცია.
გვიამბეთ თქვენთან წარმოდგენილი ღვინის ფართო ასორტიმენტის შესახებ
მეღვინეობა „აგრიდა“ ასხამს სხვადასახა დასახელების ღვინოებს, ბრენდს და ჭაჭას. ღვინოების ფართო ასორტიმენტია, როგორც ევროპულ ასევე ქვევრის ღვინოებში. ევრპულ ღვინოებში გამოირჩევა: საფერავი პრემიუმი, მუკუზანი, ხვანჭკარა, ქინძმარაული, ხოლო ქვევრის ღვინოებში ქისი ქვევრი, ხიხვი ქვევრი, საფერავი ქვევრი, მწვანე ქვევრი. ჯამში ქარხანა ასხამს 25 დასახელების სხვადასხვა ღვინოს, ასევე ბრენდს 3,5 და 7 წლიანს, ჭაჭა სილვერს და გოლდს.
სად არის წარმოდგენილი ,,აგრიდა’’?
აგრიდას ღვინოები წარმოდგენილია როგორც შიდა ასევე უცხოურ ბაზარზე. საქართველოში აგრიდას ღვინის შეძენა შესაძლებელი სხვადასხვა ღვინის მაღაზიებში, როგორც ონლაინ ასევე ადგილზე. საზღვარგარეთ აგრიდას ღვინოების ექსპორტი განხორციელდა ყოფილ საბჭოთა ქვეყნებში, როგორც ევროპულ ასევე აზიურ ქვეყნებში.
როგორ ფიქრობთ, რა არის ის, რაც გამოგარჩევთ სხვებისგან?
აგრიდას ღვინოები გამოირჩევა ხარისხით, თითოეული დასახელების ღვინო შექმნილია უმაღლესი ხარისხის ყურძნისგან, ქარხანას ყავს მაღალ კვალიფიციური სომელიე, რომლის მონაწილეობით ხდება ჩამოსხმა. აგრიდას ღვინოები ინარჩუნებს უწყვეტად მაღალ ხარისხს. მაღალ ხარისხსზე მიანიშნებს ქვევრის ღვინის საერთაშორისო კონკურსზე აღებული ვერცხლის მედლები.
სამომავლო გეგმები…
სამომავლო გეგმებს რაც შეეხება, მეღვინეობა ,,აგრიდა’ აპირებს გაზარდოს წარმოება. დღეის მდგომარეობით 800 000მდე ბოთლის ჩამოსხმაა შესაძლებელი და ვფიქრობთ გავზარდოთ 1 2000 000 ბოთლამდე, ასევე, გავზარდოთ ესპორტის რიცხვი და ხანგრძლივი პარტნიოლური შეთანხმებებს მივაღწიოთ სხვადასხვა კომპანიებთან. ვაპირებთ გადაშენების პირას მყოფი ყურნის ჯიშების მოყვანას და მისგან ღვინის დამზადებას.
ტექსტი: სოფიო მალანია
