ახალი Citroen C4 X საქართველოში შემოდის. მოდელის მთავარი კონცეპტუალური მიდგომა უნიკალური დიზაინი და ფრანგული ელეგანტურობაა.
ახალ C4 X-ს ცნობილი საავტომობილო ბრენდის Citroën ის სამოდელო რიგის ახალი მოდელია, რომელიც თამამად იზიარებს მსოფლიო ელექტროფიკაციის ტენდენციას და ამ მხრივ 100% ელექტრო სეგმენტსაც უერთდება.
გარდა უნიკალური დიზაინისა, ახალი Citroën C4 X სიმარტივითაც გამოირჩევა. მისთვის დამახასიათებელია კომფორტის ტრადიციული ხედვა, თუმცა სიახლეც უხვად არის წარმოდგენილი , როგორც ფუნქციურად ისე სტილისტური თვალსაზრისით.
ავტომობილის ფრანგულ ელეგანტურ სტილს მარტივად გამოარჩევთ. მაღალ და ჰორიზონტალურ კაპოტს მსუბუქად ჩაზნექილი ხაზები დაყვება, ორმაგი განათების სისტემა კი მის ენერგიულ ხასიათზე მიგვანიშნებს. დიზაინის კულმინაციას მოდელის უკანა მხარე წარმოადგენს, სადაც მკვეთრი ფორმები გემოვნებით ესადაგება მაშუქების განლაგებას, რაც მთლიანობაში ავტომობილს დინამიკურ გარეგნობას სძენს.
გარდა ამისა, ახალ C4 X-ის ინეტრიერი ნათელი, მყუდრო და საკმაოდ ფართოა. ის იმდენად კომფორტულია, რომ თავს როგორც საკუთარ სახლში ისე გაგრძნობინებთ. განიერი სავარძლები, გამარტივებული მართვის 20-მდე დამხმარე სისტემა და მულტიფუნქციური ბორტ კომპიუტერი ორიენტირებულია როგორც მძღოლის ისე მგზავრის უსაფრთხოების, სიმშვიდის და კომფორტის შექმნაზე.
ახალი C4 X საქართველოში Citroën -ის ოფიციალურ ცენტრში ამ წლის მაისიდან იქნება ხელმისაწვდომი, როგორც ბენზინის ისე დიზელის ძრავით, უფრო მოგვიანებით კი სრულად ელექტრო მოდელიც შეემატება შოურუმს.
ასევე, იხილეთ:
