იამნიკი, სლოვენია
იამნიკი პატარა სოფელია სლოვენიაში. აქაურობა ცნობილია მცირე ზომის ეკლესიით, რომელიც სოფლისგან მოშორებით, გორაკზე მდებარეობს. ტაძარი წმინდა პრიმისა და ფელიციანის სახელობისაა.
დამიულსი, ავსტრია
ავსტრიის სამთო-სათხილამურო კურორტი, რომელიც უხვთოვლიანებითაა ცნობილი. თოვლის ნალექების საშუალო რაოდენობა წლიურად 9.3 მეტრია.
შტრამბერკი, ჩეხეთი
ლეგენდის მიხედვით, შტრამბერკის ციხე-სიმაგრე ტამპლიერების ორდენის მიერაა აგებული. სინამდვილეში, ციხე-სიმაგრე XIV საუკუნეში მორავიის მარკგრაფებმა ან ბენეშოვცევების გვარმა ააშენა. ციხე-სიმაგრის დანიშნულება მორავიის აღმოსავლეთ საზღვრის დაცვა იყო. ცოტა ხანში ციხე-სიმაგრის ირგვლივ პატარა დასახლება გაშენდა, რომელმაც ქალაქის სტატუსი 1359 წლის 4 დეკემბერს მიიღო. აქაურობის მთავარი ღირსშესანიშნაობა ციხე და მის თავზე აღმართული ყველაზე მაღალი კოშკია, საიდანაც ქალაქის ულამაზესი ხედები იშლება. აქაურობა განთქმულია უნიკალური, უგემრიელესი ტკბილეულითაც.
ლანგვისი, შვეიცარია
ეს პატარა ქალაქი ულამაზესი ტყით და ორიგინალური ხიდითაა ცნობილი, რომელიც ზამთარში განსაკუთრებით ზღაპრულად გამოიყურება.
რეინე, ნორვეგია
რეინე − მეთევზეთა პატარა სოფელი ლოფოტენის კუნძულებზე, ნორვეგიაში მდებარეობს. აქ სულ 350-მდე ადამიანი ცხოვრობს და 1743 წლიდან მნიშვნელოვანი სავაჭრო პუნქტია. მიუხედავად იმისა, რომ ცივილიზაციისგან საკმაოდ დაშორებულია, ბოლო პერიოდში აქტიურად ვითარდება ტურიზმი. აქ ზამთარი ყველაზე ლამაზია, რადგან მიმდებარე გორები ქათქათა თოვლით იფარება, რომლის ფონზე ხასხასა ფერებში შეღებილი სახლები კიდევ უფრო შთამბეჭდავად გამოიყურება.
