ქათამი ტოსკანურად
ინგრედიენტები:
500 გრამი ფილე დავჭრათ თხლად და დავამარინადოთ ცოტა ზეთში, ლიმონში, და დავაყაროთ ბრინჯის ან სიმინდის სახამებელი.
მარილი, პილპილი გემოვნებით. გავაჩეროთ 30 წუთი.
500 გრ ისპანახი
100 გრ მზეზე გამომცხვარი პომიდორი ჩერი
200 გრ ნაღები
100 გრ ყველი პარმეზანი
ნუშის ფანტელები
მომზადების წესი:
ამ ყველაფერს სჭირდება ნახევარი ჭიქა თეთრი მშრალი ევროპული ტიპის ღვინო. გაცხელებულ, ცხიმწასმულ ტაფაზე ვწვავთ ქათამს, შემდეგ ვუმატებთ მზეზე გამომშრალ პომიდორს, შემდეგ ნაღებს და დაახლოებით 3 წუთის შემდეგ ღვინოს ვასხამთ. ღვინოც რომ წამოდუღდება, ბოლოს ვუმატებთ ისპანახს, ნუშის ფანტელებს და პარმეზანს. ეს კერძი ძალიან მარტივი, არომატული და რაც მთავარია, უგემრიელესია.
ქინოას სალათა
ინგრედიენტები:
ჭიქა ქინოა
ნახევარი თავი ხახვი
პომიდორი
სიმინდი
ლობიო
მანგო
ჰალაპენიო
ბულგარული წიწაკა
ლაიმი
ქინძი
სოუსისთვის დაგვჭირდება:
ჩაის კოვზი თაფლი/ჯინჯერი/დარიჩინი/ძირა/დაღერღილი წითელი წიწაკა/ზეითუნის ზეთი ლიმონით/მარილი
მომზადების წესი:
ჭიქა ქინოას დავასხათ ორი ჭიქა ადუღებული წყალი, დავდგათ დაბალ ცეცხლზე, დავახუროთ თავსახური და პერიოდულად ვურიოთ. როდესაც წყალი დაშრება, აუცილებლად გადმოდგით ცეცხლიდან და გააჩერეთ, რათა კარგად გაფუვდეს.
შემდეგ ქინოას დავუმატოთ წვრილად დაჭრილი ნახევარი თავი ხახვი, პამიდორი, სიმინდი, მოხარშული ლობიო, პატარა კუბებად დაჭრილი მანგო, ძალიან წვრილად დაჭრილი ჰალაპენიო და ბულგარული წიწაკა. დავახეხოთ ლაიმის ცედრა და დავაწუროთ მისივე წვენი. ჩვენს სალათას ბოლოს დავამატოთ ქინძი და სოუსი.
ამოურიეთ კარგად და გემრიელად მიირთვით.
დესერტი
ინგრედიენტები:
ლებნეს გაწურული მაწონი 250 გრ
ლიმონის ცედრა
პაკეტი ვანილი
შაქრის პუდრი 2/3 სუფრის კოვზი
მოცვი
მარილიანი ფსტა
ლაიმის ცედრა
მომზადების წესი:
250 გრამ ლებნეს გაწურულ მაწონს დავახეხოთ ლიმონის ცედრა, დავუმატოთ პაკეტი ვანილი და 2/3 სუფრის კოვზი შაქრის პუდრი. ამ მასას ზემოდან დავაწყოთ მოცვი, დავაყაროთ დაფხვნილი მარილიანი ფსტა და ბოლოს დავახეხოთ ლაიმის ცედრა.
უგემრიელესი დესერტი მზადაა.
