ფოტო: ალექსეი სეროვი
პროდიუსერი: თამთა დალაქიშვილი
მოდელი: მარიამ სანოგო
ვიზაჟი: თეონა თხელიძე
სამოსი ყველა ადამიანის შინაგანი სამყაროს გამომხატველია. ჩაცმის სტილით შეგვიძლია ამოვიცნოთ ამა თუ იმ პერსონის ხასიათი. აქედან გამომდინარე, ყველა ადამიანს ჩაცმის ინდივიდუალური სტილი ახასიათებს, თუმცა წლების მიხედვით მაინც იცვლება მოდის ტენდენციები, რომელსაც ჩვენგან დამოუკიდებლად ფეხს ვუწყობთ, რადგან საშუალო თუ მაღალი ხარისხის ბრენდები ყოველთვის ითვალისწინებენ მოდის ტენდენციებს. ბევრი რამ იცვლება და ბევრი რამ ბრუნდება. ერთადერთი, რაც ყოველთვის მნიშვნელოვანია, კომფორტული ფეხსაცმელი და ხარისხიანი სამოსია, რათა ადამიანმა დღის განმავლობაში თავი კომფორტულად იგრძნოს. 2022 წლის შემოდგომა/ზამთრის ტენდენციებში ჭარბობს ბეჟი ფერის ტონები, რადგან ეს ფერები განსაკუთრებულად უხდება შემოდგომას. პატარა ფორმის ჩანთები და დიდი სათვალეები კვლავ მოდურია. ALDO-სთან ერთად გთავაზობთ ამ სეზონის ყველაზე მოთხოვნად და ტრენდულ 4 განსხვავებულ Look-ს, რომელშიც ყველა ქალბატონი იპოვის მისთვის სასურველ იმიჯს.
მანამდე კი, ცოტა რამ ბრენდის შესახებ
ALDO კანადის ქალაქ მონრეალში 1972 წელს დაარსდა. ბრენდმა გასული საუკუნის 90-იან წლებში აშშ-ის ბაზარზე შეაღწია. თითქმის ნახევარი საუკუნის ბრენდი დღეს უკვე გლობალური ფირმაა, რომელიც უამრავ ქვეყანაშია წარმოდგენილი.
ქალისა და მამაკაცის თანამედროვე ფეხსაცმელი, ჩანთები, სამკაულები, სათვალეები და სხვადასხვა აქსესუარი − ეს ის ყველაფერია, რასაც ALDO-ს მაღაზიებში შეხვდებით. ტრენდებს ყოველთვის მიჰყვება და სეზონის მთავარი ტენდენცია ყველა კოლექციაში გათვალისწინებულია, შესაბამისად, ALDO მომხმარებელს სთავაზობს ტრენდულ, სიტუაციაზე მორგებულ კომფორტულ მოდელებს − ჩექმის, სპორტული თუ კლასიკური ფეხსაცმლის მიმართულებებით.
ხარისხი აქაც უპირველესია და პრიორიტეტულია თანამედროვე ტექნოლოგიით შექმნილი პროდუქცია.
პასტელური ფერები, პატარა ფორმის ჩანთები, დიდი ზომის სათვალეები − ეს ის ჩამონათვალია, რომელიც ნებისმიერი ქალის Look-ს კიდევ უფრო მიმზიდველს, მშვენიერსა და გლამურულს გახდის.
ჭრელი გრძელი კაბები, მკვეთრი და პასტელური ფერების შეხამებით, ამ სეზონზე განსაკუთრებით დიდ ყურადღებას იქცევს. სიჭრელეს კი აბალანსებს ბეჟი ფერის ლოფერი. ფეხსაცმლის ეს ფორმა განსაკუთრებით უხდება შემოდგომას და შესაბამისად, სეზონზე დიდი პოპულარობით სარგებლობს. პატარა ფორმის, ფეხსაცმლის ფერთან შეხამებული ჩანთა კი, საერთო Look-ს კრავს და თქვენს ვიზუალს უფრო მეტ ჰაეროვნებას ანიჭებს.
კლასიკური სტილის შარვალი და ჟილეტი არაჩვეულებრივი არჩევანია ნებისმიერი ქალბატონისთვის. მისი შეხამება მაღალქუსლიან ფეხსაცმელთან Look-ს ქალურ, ნაზ ელფერს ანიჭებს. ოქროსფერი ფეხსაცმლის შეხამება ოქროსფერჩარჩოიან დიდი ფორმის სათვალესთან, თავს ოქტომბრისფერ მზესთან ჰარმონიაში გაგრძნობინებთ, ხოლო თავდაჯერებულობა, რომელიც კლასიკურ სტილს მოაქვს, კიდევ უფრო სასიამოვნო გახდება.
პასტელური ფერებიდან დიდი პოპულარობით ჭაობისფერი მწვანე სარგებლობს, რომელიც იდეალურად ერწყმის ყველა ტიპის აქსესუარს. სპორტულ ფეხსაცმელსა და მოკლე სტილის ქურთუკს განსაკუთრებით უხდება დიდი ზომის, პასტელური ფერის ჩანთა. შედეგად, მივიღეთ კლასიკური და სპორტული სტილის საუკეთესო შერწყმა.
შავი ფერი ყოველთვის, ყველა სეზონზე აქტუალურია: მინი-ქვედაბოლო კლასიკური ცისფერი პერანგით, ქუსლიანი შავი ჩექმა, ოქროსფერი ქამარი, შავი ფერის სათვალე და მცირე ფორმის ფერადი ჩანთა იდეალური Look-ია ნებისმიერი ქალისთვის.
