2021 წელი გასართობი ინდუსტრიისთვის საკმაოდ მრავალფეროვანი იყო. რამდენიმეთვიანი პაუზის შემდეგ არაერთმა მაღალი მოდის ბრენდმა და დიზაინერმა წარადგინა ახალი კოლექცია, ვიხილეთ არაერთი ფილმის პრემიერა, ღონისძიება, გლამურული წითელი ხალიჩა თუ დაჯილდოება.
2021 წლის მნიშვნელოვან მოვლენებთან ერთად უცხოური გამოცემები ყოველწლიურად განიხილავენ წლის ყველაზე განხილვად ვარსკვლავურ წყვილებს, რომლებიც მთელი გასული დროის განმავლობაში იქცევდნენ საზოგადოების ყურადღებას. ამჯერად ყველაზე დიდი გამოხმაურება იმ ვარსკვლავურმა წყვილებმა მიიღეს, რომელთა ურთიერთობას საზოგადოება ყველაზე ნაკლებად მოელოდა.
ზენდეია და ტომ ჰოლანდი
მიუხედავად იმისა, რომ ტომ ჰოლანდი ზენდეიას წლების განმავლობაში “ქრაშავდა”, საზოგადოებისთვის მათი ურთიერთობა მაინც მოულოდნელი იყო.
ირინა შეიკი და ქანიე უესტი
ვარსკვლავური წყვილი, რომელთა ურთიერთობის დაწყების და დასრულების არც მიზეზი და არც დრო დღემდე დაზუსტებული არაა.
უცხოური გამოცემების უმეტესობა აღნიშნავს, რომ წყვილის ურთიერთობა მხოლოდ ტაბლოიდებისთვის იყო გათვლილი.
კაია გერბერი და ოსტინ ბატლერი
წყვილმა ურთიერთობა 2021 წლის დეკემბერში დაიწყო, მას შემდეგ რაც ამერიკელი მოდელი მეგობარ მამაკაცს, ჯეიკობ ელორდს დაშორდა.
ჯენიფერ ლოპესი და ბენ აფლეკი
მიუხედავად იმისა, რომ წყვილი ერთმანეთს ადრეც ხვდებოდა, მათ შერიგებას 2021 წელს ნამდვილად არავინ ელოდა.
ანჯელინა ჯოლი და The Weeknd
ქანიე “იე” უესტისა და ირინა შეიკის მსგავსად ანჯელინა ჯოლისა და აბელ ტესფაიეს ურთიერთობა საზოგადოებისთვის დღემდე უცნობია. ტაბლოიდები აღნიშნავენ, რომ წყვილი ერთმანეთს საქმიან შეხვედრებზე ხვდებოდა, თუმცა ზოგიერთი გამოცემა აღნიშნავს, რომ წყვილს რომანტიკული ურთიერთობა აკავშირებდათ.
პიტ დევიდსონი და კიმ კარდაშიანი
მიუხედავად იმისა, რომ პიტ დევიდსონი და კიმ კარდაშიანი ერთმანეთს სულ რამდენიმე კვირაა ხდევიან, უცხოური გამოცემები აღნიშნავენ, რომ მათი ურთიერთობა უკვე სერიოზულ ეტაპზე გადადის.
