#OK! საკულტო ფილმი „მუმია“ ეკრანებს უბრუნდება – გადასაღები მოედნიდან ახალი კადრები ვრცელდება

„მუმიის“ (The Mummy) მეოთხე ნაწილის გადასაღები მოედნიდან ახალი ფოტოები გავრცელდა. კადრებში ბრენდან ფრეიზერი და რეიჩელ ვაისი ჩანან – მსახიობები საკულტო ფრენჩაიზსში კვლავ რიკ ო’კონელისა და ეველინ კარნაჰანის როლებს ასრულებენ.

ფოტოები ლონდონშია გადაღებული. ფრეიზერი ყავისფერ ქურთუკსა და მწვანე კუბოკრულ პერანგშია გამოწყობილი, ვაისს კი შინდისფერი პიჯაკი და ქვედაბოლო აცვია.

ახალი ფილმი 2001 წლის „მუმიის დაბრუნების“ პირდაპირი გაგრძელება იქნება.

ფრეიზერისა და ვაისის გარდა, მაყურებელი კიდევ რამდენიმე ნაცნობ სახეს იხილავს. დაბრუნდებიან ჯონ ჰანა, არნოლდ ვოსლო, ოდედ ფერი და კევინ ჯ. ო’კონორი.

ფილმის რეჟისორები მეტ ბეტინელი-ოლპინი და ტაილერ ჟილეტი არიან, სცენარის ავტორი კი დევიდ კოგეშალია. „მუმიის“ ახალი ნაწილი კინოთეატრებში 2027 წლის 15 ოქტომბერს გამოვა.

ასევე დაგაინტერესებთ:

#OK! ბრენდან ფრეიზერი და რეიჩელ ვაისი „მუმიაში“ ბრუნდებიან – პირველი კადრები ახალი ფილმის გადასაღები მოედნიდან

#OK! ბრედლი კუპერი და მარგო რობი „Ocean’s Eleven“-ის ახალი ფილმის გადასაღებ მოედანზე გამოჩნდნენ