ბრენდან ფრეიზერი და რეიჩელ ვაისი წლების შემდეგ „მუმიის“ სამყაროში ბრუნდებიან – მსახიობები ახალი ფილმის გადასაღებ მოედანზე გამოჩნდნენ.
ახალ ფილმში ისინი კვლავ რიკ და ეველინ ო’კონელების როლებს შეასრულებენ. მსახიობების ეკრანული წყვილი მაყურებელმა პირველად 1999 წლის „მუმიაში“ იხილა.
ფილმის გადაღებები სექტემბერში ლონდონსა და მაროკოში დაიწყო. პირველი კადრები კი ინტერნეტში უკვე გავრცელდა. ფოტოებში 1950-იანი წლების სტილში გამოწყობილ ბრენდან ფრეიზერს ვხედავთ. რეიჩელ ვაისი კი ლონდონში, ბრიტანეთის მუზეუმთან გადაიღეს.
ახალი ფილმი 2001 წლის „მუმიის დაბრუნების“ პირდაპირი გაგრძელება იქნება.
ფრეიზერისა და ვაისის გარდა, მაყურებელი კიდევ რამდენიმე ნაცნობ სახეს იხილავს. დაბრუნდებიან ჯონ ჰანა, არნოლდ ვოსლო, ოდედ ფერი და კევინ ჯ. ო’კონორი.
ფილმის რეჟისორები მეტ ბეტინელი-ოლპინი და ტაილერ ჟილეტი არიან, სცენარის ავტორი კი დევიდ კოგეშალია. „მუმიის“ ახალი ნაწილი კინოთეატრებში 2027 წლის 15 ოქტომბერს გამოვა.
ასევე დაგაინტერესებთ:
#OK! დევა კასელი „ოპერის მოჩვენების“ ახალ ეკრანიზაციაში მთავარ როლს შეასრულებს
#OK! „ქრისტეს ვნების“ გაგრძელება ორ ნაწილად გამოვა – მელ გიბსონის ახალი ფილმის დეტალები
