გამარჯობა. წერა არასოდეს იყო ჩემი ძლიერი მხარე, თუმცა ამ შემოთავაზებას, ივნისის ნომერში განგვეხილა სხვადასხვა ინდუსტრია ტექნოლოგიების პერსპექტივით, თავი არ ავარიდე.
ჩემი ცხოვრებისა და საქმიანობის გარკვეული ნაწილიც ტექნოლოგიებს ეთმობა. ბავშვობიდან გამომყვა ტექნოლოგიების სიყვარული და ჯერ კიდევ მაშინ, როდესაც კომპიუტერი ხელში ჩამივარდა, იმის გამო, რომ ინტერნეტი რეგიონშიც კი არ არსებობდა, მისი დაშლა-აწყობით და „გაძლიერებით“ ვერთობოდი.
ახლა კი ჩვენი კომპანია „კოპტერ ტექი“ დრონების ოფიციალური შემომტანია საქართველოში, აქვს ოფიციალური სერვისცენტრი და უპილოტო საფრენი აპარატების ინდუსტრიას წლებია ავითარებს.
ჩემი მიზანია OK!-ის გუნდის დახმარებით თქვენამდე სწორად მოვიტანო ჩემი სათქმელი და ერთად განვიხილოთ ბევრი სრულიად ახალი მიმართულება თუ ინდუსტრია, რომლებიც სწორედაც რომ ტექნოლოგიების განვითარების კვალდაკვალ ჩამოყალიბდნენ.
