„ნიკორა“ და ქართული #OK! წარმოგიდგენთ რუბრიკას „კულინარიული შეჯიბრი“. რუბრიკის მოწვეული სტუმრები „ნიკორას“ ერთგული მომხმარებლები − უნიჭიერესი, ენერგიული და მხიარული დები, ცნობილი მსახიობები და ტელეწამყვანები – რუსკა და ნინუცა მაყაშვილები არიან. შეჯიბრის ფარგლებში, რუსკას და ნინუცას „ნიკორას“ ერთი და იგივე პროდუქტები დაურიგდათ, რათა საკუთარი ინტერპრეტაციით სწრაფი და მარტივი წასახემსებელი მოემზადებინათ. შეჯიბრის დაწყებამდე დებმა ისაუბრეს „ნიკორასთან“ მრავალწლიანი მეგობრობის შესახებ.
(რუსკა): „ძალიან მიყვარს „ნიკორას“ ძეხვეული და შესაბამისად დიდი ხანია მათი ერთგული მომხმარებელი ვარ. ჩვენს მაცივარში თითქმის ყოველთვისაა რძიანი სოსისი და ძეხვეული. ჩემი ქმრის ოჯახიც გადავიყვანე „ნიკორაზე“ და არანაირი სხვა ბრენდის ძეხვეული ჩვენს სახლში არ არის“.
(ნინუცა): „მახსოვს, პირველად რძიანი სოსისი გავსინჯე და მას შემდეგ ეს პროდუქტი ყოველთვის არის ჩვენს ოჯახში. ჩემთვის გემრიელი კერძების მარტივად და სწრაფად მოსამზადებლად ძალიან კომფორტულია „ნიკორას“ მზა ხორცპროდუქტები“.
რამდენად ხშირად ამზადებთ საჭმელს?
(რუსკა): სიმართლე გითხრათ ხშირად არ ვაკეთებ. შეიძლება ითქვას, იშვიათად ვამზადებ, მაგრამ თუ ვაკეთებ, გემრიელი გამომდის. საჭმლის მომზადება ვიცი, თუმცა მეზარება და არ მიყვარს, მაგრამ ვაღიარებ, ჩემი პასტა საუკეთესოა.
(ნინუცა): განწყობაზეა დამოკიდებული. როდესაც მაქვს დრო და სურვილი, ვამზადებ და ხშირად ექსპერიმენტებსაც მივმართავ. მიყვარს სხვადასხვა პროდუქტის ერთმანეთში არევა და ახალი გემოების მიღება. ყველაფრის მომზადება ვიცი, რაც მიყვარს.
რომელია თქვენი საყვარელი კერძი?
(რუსკა): ჩვენი ორივეს საყვარელი კერძი არის „ბიფსტროგანოვი“. სხვათა შორის, მეც ვიცი მისი მომზადება.
(ნინუცა): „ბიფსტროგანოვი“ ჩვენთვის ასოცირდება ბავშვობის გემოსთან − ბებიაჩვენი აკეთებდა ძალიან გემრიელად. ახლაც ძალიან კარგად მახსენდება ის დღეები, თუ როგორ ველოდებოდით და ერთი სული გვქონდა ეს კერძი გაგვესინჯა.
შეჯიბრს მხიარულების გარეშე არ ჩაუვლია. დასაწყისში ნინუცა უფრო თავდაჯერებული ჩანდა და მრავალფეროვანი ვარიაციებიც შემოგვთავაზა. მართალია რუსკა თავიდან ამბობდა, მეშინია თითიც არ მივაყოლო ამ დანასო, თუმცა როგორც თვითონ აღნიშნა, სასიამოვნოდ გაკვირვებული დარჩა − არ ელოდა, თუ ამდენ განსხვავებულ ვარიანტს მოიფიქრებდა. საბოლოო ჯამში კი ორივემ ძალიან კარგად გაართვა თავი კულინარიულ შეჯიბრს. „ნიკორას“ მზა ხორცპროდუქტებისგან დამზადებული წასახემსებლები მადისაღმძვრელად და სასიამოვნოდ გამოიყურებოდა. შესაბამისად, გამარჯვებულის გამოვლენა იმაზე რთული აღმოჩნდა, ვიდრე გვეგონა. როგორც დებმა აღნიშნეს, გაიმარჯვა მაყაშვილების ოჯახმა.
ჩვენ კი მრავალფეროვანი და უგემრიელესი სენდვიჩების, ბუტერბროდებისა და ჰოთდოგების ვარიაციებიდან რამდენიმე ავარჩიეთ და გიზიარებთ რეცეპტებს:
ჰოთდოგი
- სოსისი „როსტერი“
- პური ბაგეტი
- კრემყველი
მომზადების წესი:
უპირველეს ყოვლისა, შევწვათ სოსისი გრილზე. ოდნავ გავხუხოთ და შუაზე გავჭრათ პური ბაგეტი. წავუსვათ კრემყველი პურს. წინასწარ მომზადებულ შებრაწულ სოსისს ვათავსებთ პურში. ესთეტიკურობისთვის, ბოლოს შეგიძლიათ ძეხვის პატარა ნაჭრები მოაყაროთ.
ბუტერბროდი შაშხითა და ძეხვით
- პური სეზამის მარცვლებით
- ჩალაღაჯი, ძეხვი „ბრაუნშვაიგური“ შავი წიწაკით
- ავოკადო
- პომიდორი ჩერი
- მიკრომწვანილი, სალათის ფურცელი
- პილპილი
სეზამის მარცვლებიან პურს ვჭრით შუაზე, შიგნით ვათავსებთ ჩალაღაჯისა და ძეხვის ნაჭრებს, ასევე დაჭრილ პომიდორს, სალათის ფოთოლს და ავოკადოს. მოვაყრით პილპილს და მიკრომწვანილს გემოვნებით.
კრუასანის სენდვიჩი
- კრუასანი
- კრემყველი
- ჩალაღაჯი
- რუკოლა
- მოხარშული კვერცხი
- მიკრომწვანილი
მომზადების წესი:
გაჭრილ კრუასანს შიგნიდან წავუსვათ კრემყველი. მოვათავსოთ კრუასანში შაშხის ნაჭრები (შესაძლებელია, რამდენიმე სახეობის შაშხის გამოყენებაც), მოხარშული კვერცხი. გემოვნების მიხედვით დაუმატეთ რუკოლა, მიკრომწვანილი.
„ბენედიქტი“
- რუხი ტოსტის პური
- შაშხი „დაპრესილი“
- ავოკადო
- თოხლოდ მოხარშული კვერცხი
- პომიდორი ჩერი
- მიკრომწვანილი
- პილპილი
ტოსტის დაჭრილ რუხ პურზე მოვათავსოთ შაშხის ნაჭრები და დაჭრილი ავოკადო. ზემოდან დავადოთ თოხლოდ მოხარშული კვერცხი და პომიდორი ჩერი. მოვაყაროთ მოკრომწვანილი და პილპილი გემოვნებით.
ტექსტი: სოფიო მალანია
ფოტო: ალექსეი სეროვი
