ყველა ვთანხმდებით სიყვარული რომ უცნაური და აუხსნელი რამეა, თუმცაამ ფენომენს კიდევ უფრი ამოუხსნელ ელფერს ზოგიერთი ადამიანი მცირე დეტალებით ჰმატებს. საქმე კოლსონ ბეიკერს ეხება, რომელიც მუსიკალურ სამყაროში Machine Gun Kelly-ს სახელით არის ცნობილი.
ვარსკვლავს უკვე თითქმის სამი წელია ურთიერთობა მეგან ფოქსთან აქვს, რომელთან დაკავშირებითაც გასული ვალენტინობის დღესასწაულზე განსაკუთრებული დეტალი გაგვიმხილა.
“ყელით შენი სისხლის წვეთს ვატარებ,” -დაწერა მომღერალმა ინსტაგრამზე და საკუთარი ამულეტის ფოტო გამოაქვეყნა, რომელსაც არაერთგვაროვანი გამოხმაურება მოჰყვა.
რამდენიმე საათის წინ კი, კოლსონმა ელენ დეჯენერესის შოუში როგორც იქნა გაამხილა დეტალი, რომელიც ფანებს ამდენი თვეა აინტერესბთ. როგორც გაირკვა, ამულეტი წყვილის პირველ ხანმოკლე დაშორებას უკავშირდება.
“ის (მეგანი) ფილმის გადაღებებზე ბულგარეთში მიდიოდა და ეს ჩვენს ურთიერთობაში ახალი იყო. მე პასპორტიც კი არ მქონდა იმ დროს და ცოტა შევშინდი. ზოგიერთი ადამიანი მეორე ნახევარს ხელსახოცს ან რაიმე მსგავსს უტოვებს, მან სამახსოვროდ საკუთარი სისხლი შეარჩია,”- აღნიშნა ბეიკერმა.
