დალის „შუს“ კრემი შედგება შემდეგი ინგრედიენტებისგან:
ლიტრი რძე
3 კვერცხი
5 ს/კ ფქვილი
300 გრ შაქარი
ვანილი
მარილი
ლიმონის ცედრა
კრემის მომზადების წესი:
ავადუღოთ ლიტრი რძე და შევურიოთ ჭიქა შაქარი. ამასობაში, ავთქვიფოთ სამი კვერცხის გული და ნახევარი ჭიქა შაქარი გათეთრებამდე. ამის შემდეგ ნახევარი ლიტრი თბილი რძე დავასხათ ათქვეფილ კვერცხს და შაქარს, და დავუმატოთ 5 ს/კ ფქვილი, ავურიოთ ერთმანეთში და ჩავასხათ დარჩენილ ნახევარ ლიტრ თბილ რძეში. დავდგათ ნელ ცეცხლზე და გავაგრძელოთ მიქსერით თქვეფა, სანამ კრემი არ დაიწყებს დუღილს. გადმოვდგათ და გავაციოთ კარგად, მანამდე კი ავთქვიფოთ 200 გრ კარაქი გათეთრებამდე, დავუმატოთ 15 გრ ვანილი, ერთი ლიმონის ცედრა და შევურიოთ გაციებულ მოხარშულ კრემს. ეს ყველაფერი კვლავ ავთქვიფოთ 10 წუთის განმავლობაში და შევდგათ მაცივარში მინიმუმ 2 საათის განმავლობაში.
„შუს“ ცომი შედგება შემდეგი ინგრედიენტებისგან:
200 გრ კარაქი
400 მლ წყალი
15 გრ ვანილი
მწიკვი მარილი
400 გრ ფქვილი
7 კვერცხი
ცომის მომზადების წესი:
200 გრ კარაქი, 400 მლ წყალი, 15 გრ ვანილი და მწიკვი მარილი გავადნოთ ნელ ცეცხლზე. როდესაც დუღილს დაიწყებს, დავაყაროთ 400 გრ ფქვილი, კარგად მოვურიოთ და გადავდგათ გასაციებლად. კარგად რომ გაცივდება, დავუმატოთ 7 კვერცხი და კარგად გავთქვიფოთ მიქსერით. ცომი ისე უნდა გასქელდეს, რომ მიქსერს უჭირდეს დატრიალება.
შემდეგ გავახუროთ ღუმელი 180 გრადუსზე, ცივ საცხობ მაყალს მოვაყაროთ ცოტა ფქვილი და სუფრის კოვზით ამოვიღოთ მცირე ზომის ცომი, რომელსაც თითით მივცემთ ფორმებს. დავდოთ მაყალზე და გამოვაცხოთ 25-30 წუთის განმავლობაში.
როგორც კი ცომი ოქროსფერი გახდება, გადმოვდგათ, გავჭრათ შუაზე, გამოვიღოთ გაციებული კრემი და მოვათავსოთ შუაში, ხოლო ზემოდან მოვაყაროთ შაქრის პურდა.
გაზაფხულზე კრემში თითო მარწყვს ვათავსებ ხოლმე, მაგრამ დალის „შუს“ საიდუმლო კიდევ იმაში მდგომარეობს, რომ „შუს“ ცომი უნდა იყოს ახლად გამომცხვარი. მეორე დღეს ისეთი გემო აღარ აქვს, როგორიც თავდაპირველად. ამიტომ კრემს თუ წინა დღეს ვაკეთებ, ვინახავ მაცივარში, ხოლო სტუმრები რომ მოდიან და დესერტის დრო ახლოვდება, სწორედ მაშინ ვაცხობ შუს. ასე ბევრად ფაფუკია, ხოლო გაციებული კრემი კიდევ უფრო დიდ შარმს სძენს მას.
ეს პორცია შეიცავს დაახლოებით 30 ცალ შუს.
დალის „შუს“ მომზადების ვიდეო შეგიძლიათ იხილოთ Youtube-არხზე: Dali − დალის „შუ“
