ლონდონში ბრიჯიტ ჯონსის ქანდაკება დაიდგა – მაყურებლის ერთ-ერთი ყველაზე საყვარელი რომანტიკული პერსონაჟი, რომელიც უკვე ათწლეულებია ერთმანეთთან აკავშირებს თაობებს.
ბრიჯიტ ჯონსი, რომელიც ჰელენ ფიელდინგმა 1996 წელს შექმნა, ფართო საზოგადოებამ პირველად 2001 წელს იხილა, როცა რენე ზელვეგერმა დიდ ეკრანებზე გააცოცხლა ის და თავი მსოფლიოს შეაყვარა.
პერსონაჟის კიდევ ერთხელ გაცოცხლების შემდეგ ქანდაკება ლონდონში, ლესტერ სკვერში 17 ნოემბერს შეურთდა ,,სცენების მოედანზე“ არსებულ სხვა ცნობილ კინოპერსონაჟებს.
მსახიობმა ბრინჯაოს ქანდაკების ნახვის შემდეგ გაოცება ვერ დამალა: ,,ვფიქრობ, რომ ის ჩემზე მეტად საყვარელია“.
ამ წლის გამოშვებულ ბოლო- მეოთხე ფილმში ბრიჯიტი ცხოვრების ახალ ეტაპზე გადადის: ქვრივი, ორი შვილის დედა სასიყვარულო ურთიერთობებში ბრუნდება, სადაც რთული გადაწყვეტილების წინაშე დგება, ვის აირჩევს ბრიჯიტი- ახალგაზრდა მამაკაცს, თუ შვილის მასწავლებელს?
View this post on Instagram
