ეს კვირა მარსისა და პლუტონის ტრიგონით იწყება, რაც მართვისა და გავლენის მოხდენის ენერგიას გააძლიერებს. ამას განსაკუთრებით ვერძები, ლომები და მორიელები იგრძნობენ. ზოდიაქოს ამ ნიშნების წარმომადგენლები იპოვიან ძალას, რომ მიზნისკენ იარონ და სასურველს მიაღწიონ, თუმცა, მნიშვნელოვანია, საკუთარი შესაძლებლობები ზედმეტად არ შეაფასოთ და ყოველი ნაბიჯი კარგად გათვალოთ. კუროებსა და თხის რქებს სამსახურებრივი პრობლემების მოგვარება მოუწევთ, ტყუპები და ქალწულები კი ფინანსურ საქმეებს მოაგვარებენ. მერწყულებს, სასწორებს, კირჩხიბებსა და თევზებს შესაძლოა უფროსი თაობის ან გავლენიანი პირის რჩევა დასჭირდეთ.
18 თებერვლიდან ვენერასა და ნეპტუნის ასპექტი ჩვენს ცხოვრებაში რომანტიკასა და შთაგონებას შემოიტანს. ეს პერიოდი განსაკუთრებით წარმატებული იქნება ხელოვანებისთვის, მუსიკოსებისთვის, ფოტოგრაფებისა და ფსიქოლოგებისთვის. გარდა ამისა, რომანტიკული შეხვედრებისთვის ნიადაგი ყველამ უნდა მოამზადოს.
კვირა მთვარისა და ურანის კვადრატურით სრულდება, რაც მკვეთრ ემოციურ აფეთქებებს მოასწავებს, თუმცა, ამ ასპექტს პოზიტიური მხარეც აქვს – მოსალოდნელია ოჯახური ურთიერთობების გაუმჯობესება, კარიერული წინსვლა ან მოულოდნელად სიყვარულის ახსნაც კი.
ვერძი
გირჩევთ, რომ ამ კვირაში ტემპი ცოტათი შეანელოთ და ძალები აღიდგინოთ. ეცადეთ, სამსახურში დაპირისპირებას მოერიდოთ და ნებისმიერი გაუგებრობა მშვიდობიანად მოაგვაროთ. პირად ურთიერთობებში მოვლენებს ნუ დააჩქარებთ, უბრალოდ ურთიერთობით დატკბით. ასტროლოგები ასევე გირჩევენ, შვებულებაზე ფიქრი დაიწყოთ და მომავალი მოგზაურობა დაგეგმოთ.
კურო
კუროებს ნამდვილი სიმტკიცის გამოცდა ელით. კარიერისა და ფინანსების სფეროში მოსალოდნელია მცირე რყევები – ანაზღაურების დაგვიანება ან ბიუჯეტის გადახედვის აუცილებლობა. პირად ცხოვრებაში გამორიცხული არ არის ეჭვიანობის სცენები ან ძველი წყენის გახსენება, რაც კამათსა და დაპირისპირებაში გადაიზრდება. საკუთარ თავში ნუ ჩაიკეტებით, ეცადეთ საკუთარ ემოციებზე ღიად ისაუბროთ.
ტყუპები
მოემზადეთ სოციალური აქტივობებისთვის. მოსალოდნელია მნიშვნელოვანი მოლაპარაკებები, ხელშეკრულებების გაფორმება ან ახალი პროექტების დაწყება, რაც ხელმძღვანელობის კეთილგანწყობას მოითხოვს. ასტროლოგების რჩევაა, პირადი ცხოვრება და სამსახური ერთმანეთში არ აურიოთ – სამუშაო ადგილზე რომანის გაჩაღება ახლა ნამდვილად არ ღირს.
კირჩხიბი
ამ კვირაში დაგროვილი ოჯახური საკითხების მოგვარება მოგიწევთ. შესაძლოა, უძრავი ქონების შეძენასთან ან ერთობლივი შვებულების დაგეგმვასთან დაკავშირებით დისკუსია გქონდეთ. სამსახურში სასურველია, რომ მცირე პაუზა აიღოთ და ახალი პროექტების ნაცვლად, ძველი საქმეები დაასრულოთ. პარტნიორთან ურთიერთობისას აგრესიას მოერიდეთ, განსაკუთრებით სამომავლო გეგმების განხილვისას.
ლომი
წინ აქტიური და დინამიკური კვირა გელით – მივლინებები, მოლაპარაკებები და ახალი ნაცნობობა მოწყენის დროს არ დაგიტოვებთ. თქვენი წარმატება იმაზეა დამოკიდებული, სიტუაციას რამდენად აკონტროლებთ. ურთიერთობებში ემოციების შელამაზებას ნუ ეცდებით, რათა პარტნიორს გული არ ატკინოთ. ყურადღება მიაქციეთ მენტალურ ჯანმრთელობას.
ქალწული
გირჩევთ, მთელი ყურადღება ფინანსების მოწესრიგებაზე გადაიტანოთ. თუ დამატებითი შემოსავლის წყაროს შემოგთავაზებენ, კარგად დაფიქრდით – დამატებითმა სამუშაომ ძირითადი საქმე არ უნდა დააზარალოს. საყვარელ ადამიანთან ურთიერთობისას ეცადეთ ნაკლებად კრიტიკული იყოთ – ზედმეტი კონფლიქტები ახლა ნამდვილად არ გჭირდებათ.
სასწორი
ამ კვირაში იმ კითხვებზე პასუხის გაცემა მოგიწევთ, რომლებსაც დიდხანს გვერდს უვლიდით. სამსახურში მოქნილობა გამოიჩინეთ და კოლეგებთან ურთიერთობა დაალაგეთ. პირად ცხოვრებაში სასიამოვნო თუ უსიამოვნო სიურპრიზები გელით – ხელის თხოვნიდან დაწყებული, მოულოდნელი ეჭვებითა და კამათით დამთავრებული. ნებისმიერ შემთხვევაში, ეცადეთ, ნაჩქარევი გადაწყვეტილებები არ მიიღოთ.
მორიელი
ამ კვირაში გამძაფრებული ინტუიცია პროფესიული საკითხების მოგვარებაში დაგეხმარებათ. კოლეგებთან მცირე კამათს ტრაგედიად ნუ აქცევთ – მით უმეტეს, რომ მალე პრობლემა თავისით მოგვარდება. პირად ცხოვრებაში იდილიაა. კვირის ბოლოს რომანტიკული შეხვედრები და ხანმოკლე მოგზაურობა გელით.
მშვილდოსანი
მეგობრებთან შეხვედრაზე უარს ნუ იტყვით და საერთოდ, ეცადეთ ახლობლებს მეტი დრო დაუთმოთ. შესაძლოა ახალი ნაცნობობა გააბათ, რომელიც თქვენს პროფესიულ განვითარებაზე დადებითად იმოქმედებს. თუ მარტოხელა ხართ, კვირის ბოლოს შანსი გექნებათ, რომ ღირსეული ადამიანი გაიცნოთ. არც საკუთარი თავი დაივიწყოთ – ცოტა სპორტი და სუფთა ჰაერზე გასეირნება ძალიან წაგადგებათ.
თხის რქა
ამ დღეს მთელი ყურადღება პროფესიული საქმიანობისკენ უნდა მიმართოთ. მოსალოდნელია შეხვედრები ხელმძღვანელობასთან, ხელშეკრულებების გაფორმება ან ახალი პროექტების დაწყება. თუ ინფორმაციის დიდ ნაკადსა და პასუხისმგებლობას გაუძლებთ, შედეგი ნამდვილად გაგახარებთ. არ დაგავიწყდე, რომ პარტნიორისთვის დრო გამონახოთ, თორემ მისი საყვედურებს მოსმენა მოგიწევთ.
მერწყული
ამ კვირას ცვლილებების სურვილი გეწვევათ. შესაძლოა პროფესიული საქმიანობის შეცვლა ან სხვა ქვეყანაში წასვლა მოგინდეთ, თუმცა სანამ მოქმედებას დაიწყებთ, რჩევა ოჯახის წევრებს და გამოცდილ ადამიანებს უნდა თხოვოთ. ურთიერთობებში დისტანცირებას მოერიდეთ და თქვენს განცდებზე პირდაპირ ისაუბრეთ. თუ მარტოხელა ხართ, ეცადეთ ცხოვრების მეგზური ახლო მეგობრების დახმარებით იპოვოთ.
თევზები
ამჟამად შინაგანი წონასწორობის შენარჩუნება ძალიან მნიშვნელოვანია. გირჩევთ სამსახურში არ გადაიღალოთ და მოვალეობები აუჩქარებლად შეასრულოთ. სამაგიეროდ, რომანტიკულ სფეროში ინიციატივის გამოჩენა ნამდვილად გჭირდებათ. მაგალითად,შეგიძლიათ უჩვეულო პაემანი დაგეგმოთ ან საყვარელი ადამიანისთვის გემრიელი ვახშამი მოამზადოთ.
ასევე დაგაინტერესებთ
#OK! რა არის ასკეზა და რა წესები უნდა დავიცვათ, რომ სურვილი ავისრულოთ?
