4 დეკემბერს მსოფლიო კინოს ლეგენდა, მაიკლ კეინი საუდის არაბეთის ქალაქ ჯიდაში, წითელი ზღვის საერთაშორისო კინოფესტივალის გახსნის ცერემონიაზე ინვალიდის ეტლით გამოჩნდა. Daily Mail-ის ცნობით, მსახიობს კინოში შეტანილი განსაკუთრებული წვლილისთვის წითელი ზღვის საპატიო ჯილდო გადაეცა. ფეხზე მდგომი მაყურებელი მსახიობს ოვაციებით მიესალმა.
მაიკლ კეინს სცენაზე მისი სამი შვილიშვილი – ტეილორი, მაილსი და ალეგრა ახლდა. ფესტივალის სახელით მსახიობს ჯილდო დიდი ხნის მეგობარმა, ჰოლივუდის ვარსკვლავმა ვინ დიზელმა გადასცა, რითაც ეკრანის ვეტერანის მიმართ კოლეგების პატივისცემა აღნიშნა.
„მე 90 წლამდე ვიმუშავე, ანუ მუშაობა ორი წლის წინ დავასრულე. ჩემთვის ვიფიქრე, რომ სხვა არაფრის გაკეთებას აღარ ვაპირებ, რადგან ყველანაირი იღბალი მქონდა. ერთ-ერთი უდიდესი იღბალი დღეს, ჩემი აქ ყოფნაა. მინდა მადლობა გადაგიხადოთ სიურპრიზისთვის, რადგან შოუბიზნესში ბევრი სიურპრიზი იშვიათია, მაგრამ შოკი ბევრია“- თქვა კეინმა ემოციურ სამადლობელო სიტყვაში.
ბოლო ფილმში, „ The Great Escaper“ კეინმა მეორე მსოფლიო ომის ვეტერანის როლი შეასრულა, რომელიც ინგლისის მოხუცებულთა თავშესაფრიდან მოკავშირეების ნორმანდიაში გადასხმის აღსანიშნავ ღნისძიებაზე წავიდა. თავად კეინი 1950-იანი წლების დასაწყისში ბრიტანეთის საექსპედიციო ძალები შემადგენლობაში, კორეაში იბრძოდა. ფილმში მთავარი გმირის ცოლის როლს 87 წლის გლენდა ჯექსონი ასრულებდა, რომელიც პრემიერამდე გარდაიცვალა.
კეინი დიზელს თითქმის 30 წელია იცნობს. მხცოვანმა მსახიობმა რამდენჯერმე აღნიშნა, რომ ვინ დიზელი მისთვის ოჯახის წევრივით გახდა. მათი მეგობრობა ერთობლივი გადაღებების დროს დაიწყო და მას შემდეგ მათ თბილი ურთიერთობა შეინარჩუნეს. 2015 წელს მათ ერთად ითამაშეს ფილმში „უკანასკნელი ჯადოქრების მონადირე“.
მიმდინარე წლის ივლისში „ფორსაჟის“ ვარსკვლავი ჰამერსმითში, The River Cafe-ში ინვალიდის ეტლში მჯდომ მაიკლ კეინთან ერთად შენიშნეს. დიზელი, რომელსაც კეინი ხშირად ნაშვილებ შვილს უწოდებს, მსახიობის ეტლს თავად აგორებდა. მსახიობების შეკრება ვინ დიზელის ადრეულ დაბადების დღეს 18 ივლისს დაემთხვა, როდესაც „ფორსაჟის“ ვარსკვლავი 58 წლის გახდა. თვითმხილველების თქმით, კეინმა დაბადების დღეს Happy Birthday უმღერა.
ღონისძიებას ესწრებოდნენ მაიკლის მეუღლე შაკირა კეინი, ასევე ვინ დიზელის პარტნიორი პალომა ხიმენესი და მათი ორი შვილი.
მაიკლ კეინს ორჯერ აქვს მიღებული „ოსკარი“ საუკეთესო მსახიობი კაცისთვის მეორეხარისხოვან როლში, ფილმებისთვის „ჰანა და მისი დები“ (1986) და „მეღვინეების წესები“ (1999). კეინი არის ერთ-ერთი იმ ორი მსახიობიდან, რომელთაც 1960-იანი წლებიდან 2000-იან წლებამდე მოყოლებული მიღებული აქვთ ოსკარის ნომინაცია ყოველ დეკადაში (მეორეა ჯეკ ნიკოლსონი). 2000 წელს დედოფალმა ელისაბედმა ის კინოში შეტანილი წვლილისთვის რაინდად აკურთხა.
Посмотреть эту публикацию в Instagram
ასევე დაგაინტერესებთ
