ზუსტად ერთი წლის წინ OK!-ის გვერდებზე ევროპული ისტორიები PSP-სგან წარმოგიდგინეთ. რატომ ვუბრუნდებით დიდი და ცნობილი ქართველების ევროპასთან მჭიდროდ დაკავშირებულ თემას? ორი მარტივი მიზეზის გამო: ერთი რომ, კიდევ ბევრი საამაყო ქართველის ევროპული ღირებულებების თანხვედრაზე ზღვა ინფორმაცია გვაქვს გასაზიარებელი და მეორე, მთავარი, ევროპული, იგივე ადამიანის უფლებები – ღირსება და თავისუფლება, კვლავ დასაცავი გახდა.
PSP, როგორც ევროპულ ღირებულებებზე დაფუძნებული კომპანია, გამჭვირვალე ბიზნესსაქმიანობითა და ჩვეული პროფესიონალიზმით, თანამშრომლების, პარტნიორებისა და მომხმარებლებისადმი პატიოსანი, სამართლიანი, პატრიოტული დამოკიდებულებით ვართ 5000-თანამშრომლიანი გუნდი, რომლის მთავარი საზრუნავი ჯანსაღი საზოგადოება – ძლიერი ქვეყანაა.
ჩვენი წინაპრების ნება და ანდერძი ჩვენი სამშობლოს ევროპული მომავალია, ამ ნებას ჩვენი კონსტიტუცია ამყარებს.
გთავაზობთ გამოჩენილი ქართველების ციტატებსა და გამონათქვამებს:
„ჩვენს ქვეყანას ევროპული გამოცდილება, მეცნიერება და განათლება სჭირდება. ეს უნდა იყოს მისი თოფ-იარაღი“, – ილია ჭავჭავაძე
„ევროპული წესის თვისება ის არის, რომ ყოველი თაობა განძად სთვლის წინაპრებისაგან გადმოცემულ სიმართლეს და საუნჯეს და ზედ თვითონაც ბევრს ამატებს, ართავს, აშენებს“
„როგორც ჭკვიანი ირჩევს ტანსაცმელს, მას რა მოერგება და რა მოუხდება, საკუთარი სხეულის აღნაგობის გათვალისწინებით, ასევე უნდა მოიქცეს ერი ამა თუ იმ მოძღვრების არჩევისას. ჯერ ერთი, თუ შეუძლია ის მოძღვრება, რაც მას ჭირდება, მან თვითონვე უნდა შექმნას. მეორეც, თუ ამისთვის ჭკუა-გონება არ ჰყოფნის და აუცილებლად სხვას უნდა დაესესხოს, მაშინ ის უნდა აიღოს, რაც მას უეჭველად გამოადგება, თუმცა ამასაც დიდი გონიერება სჭირდება. თუ ამას ვერ მიხვდა, ისე მოუვა, როგორც იმ ადამიანს, ვინც მოდას აჰყვება, შეუფერებლად მოირთვება, მოიკაზმება და ხალხის თვალში სასაცილო გახდება. ერიც ასევე შეიძლება მასხარა გახდეს კაცობრიობის თვალში“, – ნიკო ნიკოლაძე
„ყველა ერი თავის ცეცხლს უკეთებს და თავის კერძს ჩასცქერის და სხვისთვის ხეირი იმდენად უნდა, რამდენადაც თავად გამოადგება იგი. მხოლოდ ერთ ნაწილს ქართველებისას არ სწამს, რომ ეს ასეა. რუსეთისაგან ისინი მოელიან წყალობას. აბა, საიდან სადა? ნუთუ რუსეთი არ არის საშიში მეზობელი ჩვენთვის? ნუ ჰგონიათ, რომ ბატონობის მისწრაფება და სურვილი დამონებულ მცირე ერებისა შეუმცირდება რუსეთს? არა და ცხრაჯერ არა“, -ვაჟა ფშაველა
„… ჩრდილოეთის მომხრენი ვართ თუ აღმოსავლეთისა ან დასავლეთისა, ამის შესახებ დავა და კამათი უნაყოფოა და მავნებელიც. საითაც ქვეყანა ტრიალებს, ჩვენც იქით უნდა ვიბრუნოთ პირი. ხოლო იგი უძლეველის ძალით მიექანება დასავლეთისაკენ. მისი გზა მოსკოვსა და პეტროგრადზე კი აღარ მიდის, არამედ შავ ზღვასა სჭრის და დუნაის ხეობაზე გადადის. გვეყო მოსკოვ-პეტროგრადში გაცხრილულ ევროპულ კულტურით კვება, რომელსაც უფრო მეტი მონღოლური შხამი ურევია, ვიდრე დასავლეთის წმინდა სასმელი…“, – მიხეილ ჯავახიშვილი
„ევროპას არ გააჩნია ასაკი. იგი მუდამ დაბადების მდგომარეობაშია. ადამიანი უნდა იყოს სიმშვიდის დამრღვევი ელემენტი. ეს არის ქმნილება, რომელიც მუდამ საკუთარი თავის შექმნის მდგომარეობაშია. სწორედ ეს არის ევროპული პასუხისმგებლობა. პასუხისმგებლობა საკუთარი თავის წინაშე“, – მერაბ მამარდაშვილი
„აშკარაა, ევროპა შემოაღებს კარებს და ამ დროს ჩვენ უნდა დავხვდეთ შეჭურვილი ეროვნული შემეცნებით, რომ იყოს მთავარი მორგვი, რომელზედაც მოეხვევა ახალი იდეები. მაშინ იქნება ნამდვილი რენესანსი და ამ ეროვნული აღორძინების სადღეგრძელოს სრულიად სერიოზულად ვსვამ ცისფერი ყანწებით“, – ტიციან ტაბიძე
„ხან ძილი,
ხან ღვიძილია,
ბედი გამოკვანძულია,
საქართველო,
შენი გემი
ევროპისკენ
დაძრულია“, – ბესიკ ხარანაული
„მე ვარ ქართველი და მაშასადამე, მე ვარ ევროპელი“, – ზურაბ ჟვანია
