ბოლო ათწლეულში შემოპარულმა „ვალენტინობამ“ ისე გაიდგა ფესვები საზოგადოებაში, რომ ტრადიციულ დღესასწაულად იქცა. ჩვენც არ ავუარეთ გვერდი ამ თემას და წყვილებზე ვფოკუსირდით.
როდესაც სიაზე ვმუშაობდით, ჩვენც კიდევ ერთხელ დავფიქრდით ამ ამოუწურავ თემაზე – ურთიერთობაზე. არ არსებობს რეცეპტები, რჩევები, ათეულად ან ასეულად დაჯგუფებული სწორი ფრაზები. ყველა ურთიერთობა თავის გზას გადის და თავისებურად ვითარდება. ბედნიერების „რეცეპტი“ კი იმ სიყვარულით სავსე წუთების დაფასებაა, რომელიც გვეძლევა. არადა, როგორი რთულია ყოველდღიურ რუტინაში ამ წუთებით იკვებო და სხვა რამემ არ გადაფაროს, არ გადარეცხოს და არ წაგართვას. წლებთან ერთად შეცვლილი ურთიერთობა ფერს სულ არ კარგავს, მეტად ძვირფასი ხდება მარტივი მიზეზის გამო – დროის გამოცდის გამო, წლების გამო, დაგროვილი წამების გამო. და ეს ზუსტად ის ლექსია „მაგრამ სულ სხვაა სიყვარული უკანასკნელი“… სიყვარული, რომელსაც შემოდგომის მზე ათბობს და იცი, რომ შენი სიმშვიდის ადგილია.
ყველას გისურვებთ, უკანასკნელი და ნამდვილი სიყვარული გამოგეცადოთ.
სიყვარულით,
მაიკო წერეთელი
ჟურნალ OK!-ის მთავარი რედაქტორი
