19 აპრილს მსოფლიოს ერთ-ერთი ყველაზე ცნობილი მოდელი -მეი მასკი 73 წლის გახდა, თუმცა მათთვის ვისთვისაც ჯერ კიდევ ბუნდოვანია ულამაზესი ბიზნესლედის წარმატების საიდუმლო, ვთავაზობთ ხუთ მიზეზს, რატომაც მან მსოფლიოს შეაყვარა თავი, თუმცა ეს ყველაფერი როდია.
1.ის წარმატებულია!
მეი მასკი წარმატებული მხოლოდ მას შემდეგ არ გამხდარა, რაც მსოფლიო მის შვილზე-მილიარდერ ილონ მასკზე ალაპარაკდა, ამ დროისთვის მას უკვე 50-წლიანი სტაჟი ჰქონდა სამოდელო ინდუსტრიაში. მისი კოლაბორაცია შედგა ისეთ ბრენდებთან, როგორებიცაა Dolce & Gabbana, Revlon, CoverGirl და სხვები.
2.ის ულამაზესია!
სილამაზესთან ერთად, მასკი პროფესიონაი დიეტოლოგია და საკუთარ გარეგნობაზე განსაკუთრებულად ზრუნავს, რაც მისი უბერებელი სილამაზის საიდუმლოა.
3.ის მოდურია!
მოდელი მინიმალიზმის მოყვარულია, თუმცაღა ამ სისადავეში ყოველთვის უსაზღვრო ელეგანტურობას აქსოვს.
4.ის სუპერდედიკოა!
უკვე ყველასთვის ცნობილია, რომ მეის უფროსი შვილი – ილონი დედის აღზრდის წყალობით, მალე ალბათ მარსს ესტუმრება, მაგრამ არც ის ფაქტი უნდა დავივიწყოთ, რომ არც მისი და-ძმა ზის სახლში, შუათანა ძმა ამერიკაში რესტორნების ქსელს-The Kitchen-ს ფლობს, უმცროსი და – ტოსკა კი, წარმატებული პრროდიუსერი და რეჟისორია.
5.ის თანამედროვეა!
მეი თანამედროვე ცხოვრებას ელტვის და სიამოვნებით ერთობა ბიონსესა, თუ სხვა ვარსკვლავებთან ერთად. გადაღებებზე საკუთარი შვილის მიერ ნაჩუქარი – Tesla-ს ავტომობილით მიემართება და ა.შ.
