მსახიობი, ნინო კასრაძე მთავარი არხის გადაცემა ,,შენი დილის” სტუმარი იყო, სადაც ბლიც-ინტერვიუს დროს ისაუბრა თავისი ცხოვრების მნიშვნელოვან საკითხზე რომელიც თეატრს და სამსახიობო კარიერას ეხება:
,,მსახიობების გარდა, ალბათ, ბევრი ვერ მიხვდება, რა ხდება მაშინ, როდესაც ირგვლივ ყველაფერი ქრება და შენ ნამდვილად თამაშობ. ვთვლი, რომ “ჩემი ცოლის დაქალებში” მაკა ანჯაფარიძის როლი ბევრი რამის თქმის საშუალებას მაძლევდა, რასაც მე ვფიქრობ. ასეთი ბევრი როლი არ არის. როდესაც ახალგაზრდა ვიყავი და გრიმს ვიკეთებდი, არც არაფერზე ვფიქრობდი. ახლა გრიმს რომ ვიშორებ, ვფიქრობ, გავიკეთებ თუ არა კიდევ, რამდენი სპექტაკლი მაქვს სათამაშო?!. სევდიანად არა, მაგრამ ახლა ამაზე სულ ვფიქრობ. შენ მერე კარგი სახელი უნდა დატოვო”
მსახიობმა ასევე ისაუბრა მისთვის სიყვარულის მნიშვნელობაზე და აღნიშნა, რომ შეყვარებული ნინო კასრაძე თავისი თავის საუკეთესო ვერსიაა.
,,შეყვარებული ნინო არის ნინოს საუკეთესო ვერსია… ყველაზე ხისტი და მკაცრი ადამიანებიც კი სიყვარულის დროს სრულიად იცვლებიან, უფრო პოზიტიურები არიან.”
იხილეთ ნინო კასრაძის სრული ინტერვიუ:
