ლეინა ბლუმი ამერიკელი მოდელი, მსახიობი, მოცეკვავე და აქტივისტია, რომელიც 2017 წელს გახდა პირველი ტრანსგენდერი ქალი, რომელმაც ინდური ვოგის გარეკანი დაამშვენა და 2021 წელს, პირველი ფერადკანიანი ტრანსგენდერი ქალი, რომელმაც Sports Illustrated Swimsuit-ის გარეკანი დაამშვენა.
შეგახსენებთ, რომ პირველი ტრანსგენდერი მოდელი, Sports Illustrated Swimsuit-ის გარეკანზე ვალენტინა სამპაიოა, 24 წლის ბრაზილიელი მოდელი, რომელიც კარიერული საქმიანობით არაერთხელ შევიდა ისტორიაში და უკვე წლებია მოდის ინდუსტრიაში არსებულ ბარიერებს ამსხვრევს. 2017 წელს ვალენტინამ საერთაშორისო მედიის ყურადღება მიიპყრო, როდესაც გახდა პირველი ტრანსგენდერი მოდელი, რომელმაც ფრანგული Vogue-ის გარეკანი დაამშვენა, 2019 წელს ქალის თეთრეულის ერთ-ერთ ყველაზე ცნობილ ბრენდ Victoria’s Secret-თან ითანამშრომლა და ამჯერად უკვე Sports Illustrated Swimsuit Issue-ის გვერდები დაამშვენა.
ლეინა ბლუმი 2020 წელს Chromat-ის გაზაფხული/ზაფხულის კოლექციის ჩვენებაზე, ნიუ-იორკის მოდის კვირეულის ფარგლებში იმყოფებოდა.
