თუ ამ ზაფხულში დროის სასიამოვნოდ გატარებას გეგმავთ და ეძებთ ისეთ სასტუმროს, სადაც დაგხვდებათ მყუდრო გარემო და დახვეწილი ინტერიერი, მაშინ თელავში მდებარე სასტუმრო „ესკიზს“ უნდა ეწვიოთ. ეს არის ახალი თაობის ბუტიკ-კონცეპტუალური ქართული სასტუმროების ბრენდი, რომელიც მალე თბილისშიც იქნება წარმოდგენილი. ასევე, „ესკიზი თელავი“ გთავაზობთ საკონფერენციო დარბაზს უნიკალური დიზაინის მქონე ღვინის ლობით, სივრცეს ღონისძიებებისთვის, ულამაზეს ბაღს და ქართულ სივრცეს.
„ესკიზის“ შექმნის ისტორია…
სასტუმროს ისტორია იწყება 1895 წელს არქივში ნაპოვნი, თორაძეების ოჯახის საგვარეულო სახლის ესკიზით, სადაც XIX საუკუნეში ხშირად იმართებოდა სალონური შეხვედრები. სწორედ სახალხო და საზოგადოებრივ სახლებში შეკრების კულტურითა და ესთეტიკით არის შთაგონებული „ესკიზის“ კონცეფცია. როგორც „ესკიზის“ ლოგოზე ვხედავთ, ის გამოხატავს სახალხო სახლის იდეას, მეცნიერების, კულტურისა და შემოქმედების შეხვედრას და ერთიანი ატმოსფეროს შექმნას.
„ესკიზი თელავი“ შექმნილია როგორც მშვიდი დასვენებისთვის, ისე ახალი ურთიერთობისთვის.
„ესკიზის“ დიზაინი ესმა ხეცურიანს ეკუთვნის. აქაც აქტუალურია საზოგადოებრივი სახლი, წიგნები, ღვინო, მშვიდი გარემო, ასევე − ადგილობრივი კულტურა. დიზაინის თითოეული დეტალი შესაძლოა გახდეს თქვენი ინსპირაციის წყარო. ამ საერთო ჰარმონიას კიდევ უფრო საინტერესოს ხდის ირმა შარიქაძის მიერ შექმნილი ფოტოკოლექცია, სადაც ფონად გამოყენებულია სუზანი − ხელით ნაკეთი ტექსტილი, რითაც მორთულია სასტუმროს ნომრები.
„ესკიზის“ კეთილმოწყობა…
სასტუმროში არის 57 კონცეპტუალური ოთახი, საიდანაც იშლება პანორამული ხედები ალაზნის ველსა და კავკასიონის მთებზე, ზოგიერთი მათგანი კი აუზისა და ბაღის ულამაზეს ხედებს გადაჰყურებს. თითოეული ოთახის დიზაინი უნიკალური და შთამბეჭდავია, პატარა დეტალებშიც კი იგრძნობა თანამედროვე და ტრადიციული ქართული კულტურის ელემენტები.
„ესკიზის“ სხვადასხვა ზონა შექმნილია თქვენი სასიამოვნო დასვენებისთვის − ორიგინალური გარე სივრცეები, ღია აუზი, ტრადიციული ქართული ელემენტებით აღჭურვილი ღვინის მარანი, 2 დახვეწილი და ელეგანტური რესტორანი, ნათელი საკონფერენციო დარბაზი, ღვინის ლობი და მყუდრო ბიბლიოთეკა. ამ ყველაფრის ნახვა შეგიძლიათ ქალაქ თელავის შუაგულში, 10 წუთის სავალზე ქალაქის ცენტრიდან.
„ესკიზი“ თელავის სპა-სტუმრებს 1 აგვისტოდან მიიღებს. სპა მოიცავს დახურულ აუზს, მშრალ და ორთქლის საუნებს, ღვინის აბაზანებისთვის განკუთვნილ სივრცეს, მასაჟის სივრცესა და სატრენაჟორო ოთახს.
საკონფერენციო დარბაზი 100-120 ადამიანზეა გათვლილი. შესაძლებელია ოთახის სხვადასხვა განლაგების მოწყობაც: თეატრალური სტილი დიდი სესიებისთვის, ინტერაქტიული დისკუსიებისთვის შესაფერისი მოედანი; საშუალო და დიდი ლექციების სტილი, U-ფორმის და T-ფორმის სტილები; ჯგუფებისთვის დარბაზი გარშემორტყმულია ულამაზესი ღვინის ლობით და მოსასვენებელი სივრცით, სადაც კონფერენციის მონაწილეებს შეუძლიათ დაისვენონ და ისიამოვნონ ყავის შესვენებით, ლანჩითა და სადილით.
„ესკიზის“ რესტორანი…
სასტუმროს ორივე რესტორანში წარმოდგენილია როგორც ტრადიციული ქართული, ასევე თანამედროვე ქართული კერძები. გარდა ამისა, შეგიძლიათ საავტორო კოქტეილების დაგემოვნებაც, რომელიც ექსკლუზიურად „ესკიზისთვის“ შეიქმნა. სასტუმროში სამომავლოდ იგეგმება ბევრი შემოქმედებითი ღონისძიება და მასტერკლასი.
აღსანიშნავია, რომ სასტუმროს აქვს ღვინის საკუთარი წარმოება − „ესკიზ ვაინერი“, რომელიც 2020 წელს დაარსდა. წარმოება მდებარეობს თელავში, სასტუმრო „ესკიზის“ მარანში, სადაც სტუმრებს შესაძლებლობა აქვთ დააგემოვნონ „ესკიზ ვაინერის“ სხვადასხვა სახეობის ღვინო.
„ესკიზი თბილისის“ გახსნა…
„ესკიზი თელავი“ არის „ესკიზის“ ბრენდის შემოდგომის სახლი, ხოლო „ესკიზი თბილისი“ − მთავარი საზოგადოებრივი სახლი. 10 აგვისტოს თბილისში, კერძოდ კოტე მარჯანიშვილის 51-ში იგეგმება აღნიშნული სასტუმროს გახსნა. ჯერჯერობით, გაიხსნება მხოლოდ რესტორანი, რომელიც ტერასას, ლაუნჯსა და მთავარი რესტორნის სივრცეს გააერთიანებს. რესტორანში საავტორო კერძების, ბარისა და დესერტების მენიუ იქნება. სტუმრებს შესაძლებლობა ექნებათ დააგემოვნონ ხმელთაშუაზღვისა და ასევე თანამედროვე ქართული კერძები. რესტორნის გახსნის შემდეგ იგეგმება 80-ნომრიანი სასტუმროს გახსნა.
