ჯონი დეპისა და ემბერ ჰერდის სასამართლო დავა გრძელდება. როგორც უცხოური გამოცემები სანდრო წყაროზე დაყრდნობით იუწყებიან, პროცესი ჯონი დეპის სასარგებლოდ დასრულდება. მას შემდეგ, რაც გავრცელებული ჩანაწერების შედეგად გაირკვა, რომ ემბერ ჰერდი მეუღლეზე ფიზიკურად ძალადობდა, ჯონიმ აღიარა, რომ ხშირად სააბაზანოში იკეტებოდა, რადგან მისგან თავი დაეღწია და კონფლიქტისთვის თავი აერიდებინა.
ემბერ ჰერდმა სასამართლოს არაერთი “აბსურდული” ჩვენება წარუდგინა, მაგალითად როგორიცაა ჯონის მხრიდან მასზე სასმლის ბოთლით განხორციელებული სექსუალური ძალადობა.
ამჯერად ემბერმა განაცხადა, რომ მსახიობ ჯეიმს ფრანკოს, რომელიც სასამართლო პროცესზე ემბერ ჰერდის მხარესაა, ჯონი დეპი წლების წინ ვერ იტანდა, რაც ხშირად მისი ეჭვიანობის და შემდეგ მომხდარი არაერთი ჩხუბის მიზეზი გახლდათ.
“როდესაც ჯეიმსთან თანამშრომლობა მიწევდა, ჯონი ძალიან გაბრაზებული იყო, ღალატში მდებდა ბრალს და სულ მეჩხუბებოდა. ნებისმიერი სცენა, სადაც უბრალოდ გვიწევდა ერთმანეთისთვის კოცნა მას აღიზიანებდა. ჯონი ჯეიმს ფრანკოს ვერ იტანდა”.
