ვიკი, კრისტინა, ბარსელონა
ორი ახალგაზრდა ამერიკელი, ვიკი და კრისტინა არდადეგებს ბარსელონაში ატარებენ და სრულიად მოჯადოებულნი არიან ქალაქით და კიდევ მხატვრით, სახელად ანტონიოთი. ვიკი ძველმოდურია და სერიოზული ურთიერთობისთვისაა განწყობილი: პატივისცემა, პაემანი და ბოლოს საქორწინო ფატა. სექსუალურად თავისუფალი კრისტინა კი საოცრად მიმზიდველია თავისი მეამბოხე სულით.
ანტონიოს ორივე მოსწონს და უჭირს არჩევანის გაკეთება. სასიყვარულო სამკუთხედის ურთიერთობა კიდევ უფრო იხლართება, როცა თამაშში ანტონიოს ყოფილი ცოლი ერთვება თავისი ცეცხლოვანი ტემპერამენტით, და ირკვევა, რომ მას ბოლომდე უარი არ უთქვამს ყოფილ ქმარზე.
რომაული არდადეგები
ამერიკელი რეჟისორის, უილიამ უაილერის რომანტიკული კომედია, რომელიც ახალგაზრდა პრინცესისა და ცინიკური ამერიკელი რეპორტიორის სიყვარულის ამბავს აღწერს. ეს იყო პირველი მნიშვნელოვანი როლი ოდრი ჰეპბერნისთვის, რომელმაც მას „ოქროს გლობუსი“ და „ოსკარი“ მოუტანა. 1999 წელს ფილმი აშშ-ის კონგრესის ეროვნული ფილმების რეესტრში შეიტანეს. 1981 წელს იტალიელებმა გადაიღეს კომედია „უზომოდ შეყვარებული“. მთავარ როლებს თამაშობენ ადრიანო ჩელენტანო და ორნელა მუტი. ამ ფილმშიც მსგავსი სიუჟეტია: ავტობუსის მძღოლს პრინცესა შეუყვარდება.
ჭამე, ილოცე, შეიყვარე
ლიზ გილბერტს (ჯულია რობერტსი) გააჩნდა ყველაფერი, რაზეც თანამედროვე ქალმა შეიძლება იოცნებოს: ქმარი, სახლი, წარმატებული კარიერა. მაგრამ სხვა ბევრის მსგავსად, მანაც აღმოაჩინა, რომ იგი დაკარგული და დაბნეულია. ახალგანქორწინებული გილბერტი არაკომფორტულ სიტუაციაში ხვდება. იგი დიდ რისკზე მიდის, რათა შეცვალოს თავისი ცხოვრება. ლიზი მოგზაურობს მსოფლიოს გარშემო და საკუთარი თავის ხელახლა აღმოჩენას იწყებს. იტალიაში მოგზაურობისას სიამოვნებას იღებს სხვადასხვა კერძის დაგემოვნებით, ინდოეთში შეიგრძნობს ლოცვის ძალას და ბოლოს, კუნძულ ბალიზე, სრულიად მოულოდნელად შინაგან სიმშვიდესა და ნამდვილი სიყვარულის ძალას იპოვის.
