შემოდგომას თან ყოველთვის მოაქვს სიახლეები. ამ სეზონზე კინოს, მუსიკის, მოდისა თუ ხელოვნების სამყარო ახალი სიცოცხლის შექმნას იწყებს. თუ სერიალების მოყვარული ხართ და თან ეპიკურ გამოცდილებებს ეძებთ, მაშინ ამ სიას აუცილებლად უნდა გაეცნოთ.
Beckham
Beckham Netflix-ის ახალი სერიალია, რომლის რეჟისორიც ფიშერ სტივენსი გახლავთ. სერიალი ფეხბურთის ვარსკვლავის ცხოვრების, წარმატებისა და სიყვარულის შესახებ გვიამბობს. მასში ბექჰემების ცნობილი ოჯახის ურთიერთობებია თავმოყრილი. ასევე გაიგებთ დევიდისა და ვიქტორიას ლეგენდარული სიყვარულის ისტორიის აქამდე უცნობ დეტალებს. ამიტომ არ გამოტოვოთ სერიალი, რომელმაც სეზონზე ნახვების რეკორდი მოხსნა და პირველი ადგილი დაიკავა.
Sex Education: Season 4
სკოლის მოსწავლეების კომედიური და დრამატული თავგადასავალი გრძელდება. სერიალი ინგლისის ქალაქ მურდეილში მცხოვრები ბავშვების ისტორიებს გვიამბობს. როგორ უმკლავდებიან ისინი საზოგადოებრივ სტერეოტიპებს და ამსხვრევენ ჩარჩოებს. რას გვთავაზობს ნეტფლიქსის ჩარტებში წელს რიგით მეორე ყველაზე ყურებადი სეზონი, აუცილებლად უნდა გაიგოთ.
Love Is Blind: Season 5
სერიალის პირველი სეზონის პრემიერა 2020 წელს შედგა. იგი სოციალური ექსპერიმენტის შესახებ გვიამბობს, როდესაც მარტოხელა წყვილები ისე ინიშნებიან, რომ ერთმანეთის შესახებ არაფერი იციან. სერიალმა კრიტიკოსების და მაყურებლის დიდი მოწონება დაიმსახურა, შემოდგომაზე კი მეხუთე სეზონით დაგვიბრუნდა.
One Piece: Season 1
კაპიტანი Monkey D. Luffy ეკიპაჟს აგროვებს და დიდი თავგადასავლებისკენ მიემართება. პირველმა სეზონმა მაყურებლის დიდი აღფრთოვანება დაიმსახურა. არ გამოტოვოთ თავზეხელაღებული მეგობრების ტიტულოვანი თავგადასავალი.
Encounters
უცხოპლანეტელები, ზებუნებრივი მოვლენები, ხილვები სხვა სამყაროდან, ბოლო 50 წლის განმავლობაში ეს გამოწვევები მთელი მსოფლიოს წინაშე მძაფრად დგას. თვითმხილველების ჩვენებები, ექსპერტთა ინტერვიუები და ახალი მტკიცებულებები ნეტლიქსის ყველაზე გახმაურებულ სერიალში.
