მსოფლიო კინემატორაფის ისტორიას არა ერთი ეპიკური ნაწამოების ეკრანიზაცია ახსოვს, თუმცა საქართველოში კინოს ეს მიმართულება ნაკლებად განვითარებულია. ამაზე ისიც მეტყველებს, რომ არაერთი მცდელობის მიუხედავად, ქართული და მსოფლიო პოეზიის შედევრის, „ვეფხისტყაოსანის“ ეკრანიზაციის იდეა დღემდე ვერ განხორციელდა. (თუ არ ჩავთვლით 1936 წელს გადაღებულ მხატვრულ ფილმს „ქაჯეთი“, რომელიც პოემის მხოლოდ ერთ ეპიზოდს ასახავს).
და აი, გამოჩნდა ადამიანი, რომელმაც გადაწყვიტა, რომ ხელოვნური ინტელექტის დახმარებით, „ვეფხისტყაოსნის“ ეკრანიზაციასთან დაკავშირებით ქართველების საუკუნოვანი ოცნებას ფრთები შეასხას.
AdMagica.ai-ს თანადამფუძნებელმა და აღმასრულებელმა დირექტორმა, გიგი კურტანიძემ სოციალურ ქსელში ვეფხისტყაოსნის ტრეილერი შემოგვთავაზა, სადაც როლები ასე გადანაწილდა:
ჰენრი კავილი – ტარიელი,
პედრო პასკალი – ავთანდილი,
ზენდეია – ნესტანი,
ნატალი პორტმანი – თინათინი,
მაიკლ ბ. ჯორდანი – ფრიდონი,
ენტონი ჰოპკინსი – მეფე როსტევანი,
მადს მიკელსენი – მეფე ფარსადანი,
სიდნი სუინი – ფატმანი.
“ბავშვობიდან ვოცნებობდი, რომ ვეფხისტყაოსანზე ფილმი გადაეღოთ. დღეს კი ხელოვნურ ინტელექტთან ერთად ეს ოცნება ვიზუალურად გავაცოცხლე და თქვენც გიზიარებთ. ყოველთვის ვფიქრობდი, რომ რუსთაველის გენიას მხოლოდ მაღალბიუჯეტური, ჰოლივუდური მასშტაბები თუ გაუტოლდებოდა. ეს არ არის მხოლოდ პოემა, ეს არის სამყარო, რომელიც თავისი ფილოსოფიითა და ვიზუალით ნებისმიერ თანამედროვე ბლოკბასტერს უსწრებს”, — წერს გიგი კურტანიძე ფეისბუქზე.
ასევე დაგაინტერესებთ
#OK! 2026 წლის სასიყვარულო ჰოროსკოპი ზოდიაქოს ყველა ნიშნისთვის
