ერთი რამ ვიცი − თუ შევძლებთ, მზის ყოველი ამოსვლა საკუთარი თავისთვის დღესასწაულად ვაქციოთ, მადლიერნი ვიყოთ ყველა „ჩვეულებრივი“ სასწაულის, რასაც ბუნება მუდმივად გვჩუქნის − თითოეული წვეთი წვიმისა და მზის სხივის, ყოველი წაკითხული წიგნისა და ღიმილის, მაშინ ყველაფერი მართლაც ძალიან კარგად იქნება.
მე ახალ წელს საკუთარ თავს სიმშვიდეს ვაჩუქებ.
მე გავბედავ ფიქრს!
და საახალწლოდ, დიდებული ნაძვის ხის ნაცვლად, ჩვეულებრივი ჩიჩილაკი მექნება, მანდარინებით მორთული, რომელსაც ნათლისღებაზე ბუხარში დავწვავ.
თქვენთან შესახვედრად კი ბევრი საინტერესო თემა მოვამზადეთ.
ამ საახალწლო ნომერში წარმოგიდგენთ ქართველ მორაგბეებს − წლის უმნიშვნელოვანესი გამარჯვებით. მომღერალს, სახელად „თამადა“ − წლის ყველაზე მოთხოვნად არტისტს და სხვა უამრავ, საინტერესო რესპონდენტს.
სახალისო ჰოროსკოპებიც შეგირჩიეთ − ვის რა უნდა აჩუქოთ ახალ წელს ზოდიაქოს ნიშნის მიხედვით.
მოკლედ, დასვენების დღეებში არ მოიწყენთ.
მე კი ჯანმრთელობას გისურვებთ და ანა კალანდაძის ყველასთვის საყვარელ ლექსს გიტოვებთ:
„და მე ვიგონებ ჩახლართულ ღობეს,
სერებს თოვლიანს…
ხმობდა ქათამი გურიის სოფელს, ყეფდა თოლია…
იდგა ბერმუხა ღამისმთევარი
თოვლში ნაბდითა…
დილით მისდევდა სერზე მწევარი
ნაკვლევს ნადირთა…
ქარი თვრებოდა ღვინით ნაქებით
გრძნეულ მარანთან…
შემოდიოდა ჩიჩილაკებით
ჩვენში კალანდა…“
სიყვარულით,
მაიკო წერეთელი
ჟურნალ OK!-ის მთავარი რედაქტორი
რედაქტორის არჩევანი:
თუ ბათუმში მოხვდებით, აუცილებლად მოინახულეთ თაკო მექვაბიძის მოდის სახლი.
სამკაული ყოველთვის კარგი საჩუქარია. ზოდიაქოთი ტყუპები ვარ და ალბათ, ამის ბრალია, მარგალიტი ასე ძალიან რომ მომწონს. www.francofontana.ge
KILIAN GOOD GIRL GONE BAD PARFUM BY KILIAN FOR WOMEN
ამ ხელნაკეთი ჩანთის პოპულარობა უკვე დიდი ხანია საქართველოს საზღვრებს გასცდა – www.facebook.com/Mamybag.official