24 წლის ამერიკელი მსახიობი და პროდიუსერი ზენდეია მსოფლიოში ერთ-ერთი ყველაზე პოპულარული, წარმატებული და პერსპექტიული ახალგაზდა მსახიობია, რომელმაც საერთაშორისო აღიარება ადრეულ ასაკშივე მოიპოვა.
მას შემდეგ, რაც 14 წლის ზენდეია პირველად გამოჩნდა ეკრანზე, მსახიობობის პარალელურად წლების განმავლობაში სხვა საქმიანობებითაც კავდებოდა, მან გამოუშვა ალბომი, დაწერა წიგნი, შექმნა ტანსაცმლის საკუთარი ხაზი და მარველის კინემატიკურ სამყაროს შეუერთდა.
ზენდეიამ HBO-ს სატელევიზიო სერიალში Euphoria შესრულებული როლისთვის, საუკეთესო მსახიობი ქალის ნომინაციაში პირველი „ემი“ მოიპოვა და გახდა ყველაზე ახალგზარდა მსახიობი, რომელმაც მსგავი ჯილდო მიიღო.
მუსიკალურ საქმიანობაში წინსვლის პარალელურად ზენდეიამ მოდის ინდუსტრიაშიც მიაღწია წარმატებას, მან ტანსაცმლის საკუთარი ხაზი Daya by Zendaya შექმნა, 2018 წელს კი ფრანგული ბრენდის Lancome-ის ამბასადორი გახდა.
ზენდეიამ საზოგადოების ყურადღება ამჯერადაც მოდის სამყაროს საშუალებით მიიქცია. ვარსკვლავი გასულ დღეს BET Awards-ის 2021 წლის დაჯილდოებაზე ვერსაჩეს ვინტაჟური კაბით გამოჩნდა, რომელიც 2003 წელს ბიონსემ მოირგო.
