ჰედონე – ადგილი, სადაც გონება, სხეული და სული ერთიანდება
ქალაქის ცენტრიდან 15-20 წუთის სავალზე საოცარ გარემოში მოხვდებით, რომელიც სულ ცოტა ხნის წინ გაიხსნა და უკვე მასპინძლობს ნებისმიერ მსურველს.
სიმწვანეში ჩაფლული გამაჯანსაღებელი სახლის ჰედონეს შექმნის იდეა ახალგაზრდა, ოთხი შვილის დედას და წარმატებულ იურისტს, თინათინ უფლისაშვილს ეკუთვნის.
„ჰედონეს ფილოსოფია ოჯახური გარემოს შექმნის, განვითარების და ერთმანეთზე ზრუნვის იდეას ემყარება. მუდმივად ვცდილობთ, რომ ჩვენი მომხმარებლის ცხოვრების ჯანსაღი სხეული და ჯანმრთელობა უკეთესობისკენ შეიცვალოს, ფიზიკური და ემოციური სიჯანსაღე ჰარმონიაში იყოს ერთმანეთთან“ – თინათინ უფლისაშვილი
თიკო პროფესიით იურისტია, ყავს დიდი ოჯახი, გვერდში მდგომი და მისი იდეების მხარდამჭერი მეუღლე ოთხი შვილი და უკვე მრავალწლიანი წარმატებული კარიერა.
მიუხედავად უამრავი სირთულისა, რომელიც პანდემიის დროს შეიქმნა, შეიცვალა ჩვეული ცხოვრების რიტმი და სტილი, ჰედონეს შექმნის იდეა, რომელიც 2020 წელს გაჩნდა, მხოლოდ ფურცელზე არ დარჩა და პროექტის სახით განხორციელდა. ჰედონეს სახელწოდება და ბრენდის კონცეპცია ბერძნულ მითოლოგიაში არსებული სიამოვნების და სილამაზის ქალღმერთს, – ჰედონეს უკავშირდება. ადამიანის ემოციურ ჯანმრთელობის, სხეულის მოვლის, გალამაზების, სულის და სხეულის ჰარმონიაში ყოფნის, ნელსაცხებელების და მედიცინის ისტორიაც ხომ სწორედ ძველ ბერძნებს ეკუთვნის.
ლოგოს შექმნისას ფერები და მთავარი ფიგურა ამ იდეაზე დაყრდნობით შეიქმნა,
მოოქროსფრო ყვითელი და მწვანე მზის შუქის, სიახლის, დასაწყისის, ბუნების, ფიზიკური და სულიერი სიმშვიდის სიმბოლოა.
დღევანდელ დღეს, როცა მთელ მსოფლიოში სტრესმა და დაძაბულობამ ასე იმატა, გაჩნდა განტვირთვის და ჯანსაღი ცხოვრების დიდი მოთხოვნილება.
შესაბამისად, ჰედონეს იდეამ და დაუღალავმა შრომამ შექმნა ადგილი, სადაც ადამიანებს შეუძლიათ იზრუნონ საკუთარ თავზე, გათავისუფლდნენ სტრესისგან, გაჯანსაღდნენ და დაისვენონ.
ჰედონე სერვისებში გთავაზობთ 60-ზე მეტ სარელაქსაციო და გამაჯანსაღებელ პროცედურას, მასაჟს, ჰიდრო პროცედურას, კოსმეტოლოგის მომსახურებას, ლაზერულ ეპილაციას საუკეთესო აპარატურის და პროდუქციის გამოყენებით. და ეს ყველაფერი თბილისთან ახლოს, ეკოლოგიურად სუფთა და მშვიდ ადგილას.
ჰედონეში სტუმრობისას შეგიძლიათ დაგეგმოთ ერთი სრული დღე, მეგობრებთან, ან თქვენს მეწყვილესთან ერთად, პროცედურების პარალელურად ადგილზე გიმასპინძლებთ ჰედონე ბარი, სადაც შეძლებთ დააგემოვნოთ ჯანსაღი და სასარგებლო მენიუ: დეტოქს-სმუზები, რომლებიც სპეციალური რეცეპტებითაა დამზადებული და ხელს უწყობს ჩატარებული პროცედურების ეფექტიანობის ზრდას. აქ შეძლებთ დააგემოვნოთ 14 უნიკალური სახეობის ჩაი, იყოთ ბუნებასთან ახლოს, კომფორტულ და მშვიდ გარემოში განიტვირთოთ მთელი დღის მანძილზე.
ჰედონეს წარმატებას და სტუმრების კმაყოფილებას განაპირობებს კომპანიის და დამფუძნებლის ხედვა და ის გუნდი, რომლის პროფესიული კომპეტენციაც ძალიან მაღალია. პროფესიონალიზმი განაპირობებს ხარისხს და ავითარებს როგორც სფეროს, ასევე მომხმარებლის მაღალ სტანდარტებს.
