ცნობილი ადამიანების ნაწილისთვის გასული წელი პირად ცხოვრებაში რთულ ცვლილებებს უკავშირდება. იმ წყვილებს შორის, რომლებიც ერთმანეთს 2025 წელს დაშორდნენ, ბევრი ისეთია, ვისი კავშირიც დიდი ხნის განმავლობაში მტკიცედ და სტაბილურად ითვლებოდა.
ჯესიკა სიმპსონი და ერიკ ჯონსონი
მომღერალი და მსახიობი ჯესიკა სიმპსონი ორჯერ დაქორწინდა. მისი მეორე მეუღლე ნაციონალური საფეხბურთო ლიგის ყოფილი პროფესიონალი მოთამაშე ერიკ ჯონსონი გახდა. წყვილმა ერთად საკმაოდ გრძელი გზა გაიარა – ქორწილამდე ერთმანეთს ოთხი წელი ხვდებოდნენ, შემდეგი ათი წელი სამოქალაქო ქორწინებაში გაატარეს. ამ ხნის განმავლობაში სამი შვილი შეეძინათ და საზოგადოების მიერ მათი კავშირი დიდხანს როგორც მყარი და ბედნიერი ისე აღიქმებოდა, თუმცა ინსაიდერების ინფორმაციით, ქორწინებაში უთანხმოებები დაგროვდა: ჯესიკას რომანტიკა აკლდა, ერიკი კი მეუღლის ხასიათის ხშირი ცვალებადობით დაიღალა. 2025 წლის იანვარში წყვილმა განქორწინების შესახებ გამოაცხადა.
მარიონ კოტიარი და გიიომ კანე
ისინი საფრანგეთის ყველაზე ლამაზ წყვილად არაერთხელ აღიარეს. კოტიარი და კანე 18 წელი ერთად იყვნენ და ამ დროის მანძილზე ორი შვილი შეეძინათ, თუმცა ოფიციალურად დაქორწინებულები არასოდეს ყოფილან. წყვილ სპირად ცხოვრებაზე საუბარი არ უყვარდა და ნებისმიერ მინიშნებებს ღალატის შესახებ უსაფუძვლოს უწოდებდა, თუმცა ეს კავშირი მაინც დაიშალა. ერთობლივი განცხადებაში, რომელიც მოგვიანებით გავრცელდა, აღნიშნულია, რომ დაშორება მათი საერთო გადაწყვეტილებაა და ერთმანეთს პატივს სცემენ.
დაკოტა ჯონსონი და კრის მარტინი
დაკოტა ჯონსონმა და კრის მარტინმა ურთიერთობა რვა წლის შემდეგ დაასრულეს. ინსაიდერების ინფორმაციით, მსახიობი და მუსიკოსი მივიდნენ დასკვნამდე, რომ მათი ცხოვრებისეული გზები სხვადასხვა მიმართულებით მიდიოდა. დაკოტა მშვიდ ოჯახურ ყოფაზე, სიმყუდროვესა და სტაბილურობაზე ოცნებობდა, როცა კრის მარტინი მთლიანად პროფესიულ საქმიანობაში იყო ჩაფლული – ჯგუფთან ერთად ტურნეებში დადიოდა და ცხოვრების წესის შეცვლას არ აპირებდა.
აღსანიშნავია, რომ წყვილს ხანმოკლე დაშორებები ადრეც ჰქონდა, თუმცა ყოველ ჯერზე ურთიერთობის აღდგენას ახერხებდა. საბოლოოდ, ორივემ გააცნობიერა, რომ კავშირის შენარჩუნება აღარ გამოვიდოდა და ცხოვრების ეს ეტაპი უნდა დაესრულებინათ.
ტიმ ბარტონი და მონიკა ბელუჩი
რეჟისორისა და მსახიობის წყვილი, რომელიც ბევრისთვის მომწიფებული და კარგად გააზრებული სიყვარულის განსახიერება იყო, სამწლიანი ურთიერთობის შემდეგ დაიშალა.
67 წლის რეჟისორსა და 60 წლის მსახიობს შორის შესაძლო რომანის შესახებ ინფორმაცია მედიაში 2023 წლის თებერვალში გავრცელდა, როდესაც პაპარაცებმა დაინახეს, რომ წყვილი ვალენტინობის დღეს ერთმანეთს კოცნიდა. რამდენიმე თვიანი დუმილის შემდეგ მონიკა ბელუჩიმ დაადასტურა, რომ ტიმ ბარტონთან სასიყვარულო ურთიერთობა ჰქონდა.
„მიხარია, რომ მას შევხვდი. ეს ის შეხვედრაა, რომელიც იშვიათად ხდება ცხოვრებაში. მე ვიცნობ ამ ადამიანს და მიყვარს” – განაცხადა მსახიობმა.
მათმა დაშორებამ დრამატული სცენებისა და ურთიერთბრალდებების გარეშე ჩაიარა – ეს იყო ორი ზრდასრული ადამიანის გადაწყვეტილება, რომლებმაც ერთმანეთის მიმართ პატივისცემა შეინარჩუნეს.
ნიკოლ კიდმანი და კიტ ურბანი
ნიკოლ კიდმანისა და კიტ ურბანის ქორწინება დიდი ხნის განმავლობაში ნამდვილ ზღაპარს ჰგავდა – ორი შვილი, ურთიერთგაგება და მხარდაჭერა, თუმცა კეთილდღეობის მიღმა რთული რეალობა იმალებოდა. ცოლ-ქმარს ერთად ბევრი სირთულის, მათ შორის, მუსიკოსის ნარკოტიკებზე დამოკიდებულების დაძლევა მოუწიათ. „ნიკოლმა სიცოცხლე დამიბრუნა. ჩემი ცოლი ყველა სიმღერაშია, რასაც ვწერ“– აღიარებდა მუსიკოსი, თუმცა თვრამეტწლიანი ცხოვრების შემდეგ ვარსკვლავებმა დაშორება გადაწყვიტეს.
განქორწინების ინიციატორი ნიკოლ კიდმანი გახდა, რომელმაც მიზეზად “გადაულახავი უთანხმოება” მიუთითა. მედიაში ვრცელდება ჭორები, რომ ამ დროისთვის კიტ ურბანს უკვე ახალი რჩეული ჰყავდა. დაშორების სავარაუდო მიზეზებს შორის ასევე მეუღლეების დაძაბული სამუშაო გრაფიკი და მუდმივი მივლინებები სახელდება, რამაც მათ შორის ემოციური დაძაბულობა შექმნა.
დენიზ რიჩარდსი და აარონ ფაიპერსი
ამერიკელი კინოვარსკვლავი დენიზ რიჩარდსი მეუღლეს ექვსწლიანი თანაცხოვრების შემდეგ დაშორდა. გაყრის პროცესის ინიციატორი აარონ ფაიპერსი იყო. მან ყოფილ მეუღლეს ფულადი კომპენსაციის გადახდაც კი მოსთხოვა, რამაც საქმეს დიდი საჯარო რეზონანსი შესძინა.
დენიზ რიჩარდსმა ყოფილი ქმარი ფიზიკურ და ემოციურ ძალადობაში დაადანაშაულა და სახეზე არსებული დაზიანებების ფოტო გამოაქვეყნა. აარონ ფაიპერსმა ბრალდებები კატეგორიულად უარყო და განაცხადა, რომ ტრავმა მთვრალი დენიზის წაქცევის შედეგი იყო.
ქეთი პერი და ორლანდო ბლუმი
ქეთი პერი და ორლანდო ბლუმი ერთმანეთს თითქმის ათწლიანი ურთიერთობის შემდეგ დაშორდა. გავრცელებული ინფორმაციით, გაყრის მიზეზებს შორის, ქეთის New Shepard-ის ხომალდით კოსმოსში გაფრენა და მისი ბოლო მუსიკალური ალბომის კრიტიკაცაა.
აღსანიშნავია, რომ ამ პერიოდში ქეთის მხარდაჭერა ორლანდო ბლუმის ყოფილმა მეუღლემ, მირანდა კერმა გამოუცხადა, რაც ბევრმა სოლიდარობის ნიშნად აღიქვა.
ჯენიფერ ლოპესი და ბენ აფლეკი
ჯენიფერ ლოპესმა და ბენ აფლეკმა ურთიერთობა პირველად 2003 წელს დაიწყეს, თუმცა 2004 წელს ერთმანეთს დაშორდნენ. თითქმის 20 წლის შემდეგ წყვილმა ურთიერთობა აღადგინა და იქორწინა. 2025 წლის იანვარში მსახიობისა და მომღერლის ქორწინება ოფიციალურად შეწყდა. დაშორების მიზეზად მათი ურთიერთობის უკიდურესი საჯაროობა დასახელდა.
ასევე დაგაინტერესებთ
#OK! ჟურნალმა Vogue-მა 2025 წლის ყველაზე ელეგანტურად ჩაცმული ვარსკვლავები დაასახელა
