საახალწლოდ გამორჩეული ნუგბარის მომზადება გადავწყვიტეთ და ამისთვის, რა თქმა უნდა, „დუ შეფს“ მივაკითხეთ. ხათო ბაკურაძემ სპეციალურად OK!-ს მკითხველისთვის გემრიელობები მოამზადა და რეცეპტებიც გაგვიზიარა. მოსამზადებლად აუცილებელია „ლოტუსის“ ორცხობილა და „ჰენრის ქიჩენის“ მიწისთხილის კარაქი მოიმარაგოთ.
ლოტუსის ჩიზქეიქი
- ორცხობილა – 200 გრ
- კარაქი – 50 გრ
- ლაიმის ცედრა – 1 ც
- ორცხობილა დააქუცმაცეთ
- დაამატეთ გამდნარი კარაქი
- ბოლოს ლაიმის ცედრა
ჩიზის მასა:
- კრემყველი – 325 გრ
- ნაღები – 25 მლ
- ფქვილი – 5 გრ
- სახამებელი – 5 გრ
- შაქარი – 70 გრ
- კვერცხი – 85 გრ
მომზადების ტექნოლოგია:
- გააერთიანეთ ყველა ინგრედიანტი
- გადაურიეთ, არ თქვიფოთ ხანგრძლივად
- გაანაწილეთ ორცხობილიან ყალიბებში
- გამოაცხვეთ 100 გრადუსზე – 1 საათი
შემდეგ აუწიეთ ტემპერატურას 110 გრადუსზე -20 წთ.
ვაშლი კარამელში:
- შაქარი -150 გრ
- ნაღები -100 მმ
- კუბებად დაჭრილი ვაშლი – 300 გრ
- დარიჩინი – მწიკვი
მომზადების ტექნოლოგია:
- გაადნეთ შაქარი გაოქროსფერებამდე
- დაამატეთ ცხელი ნაღები
- დაამატეთ კუბებად დაჭრილი ვაშლი
- ბოლოს დარიჩინის პუდრა
მასკარპონეს კრემი თაფლისა და თხილის კარაქით
- რძე – 75 მლ
- შაქარი – 70 გრ
- ჟელატინი – 8 გრ
- მასკარპონე – 150 გრ
- ცივი ნაღები – 500 მლ
- მიწის თხილის კარაქი თაფლით
მომზადების ტექნოლოგია:
- რძე და შაქარი გააცხელეთ
- დაამატეთ ჟელატინი
- ცხელი ნაზავი დაასხით მასკარპონეს და მიწის თხილის თაფლიან კარაქს
- ბოლოს ცივი ნაღები
- კრემი გააცივეთ
- გადათქვიფეთ ამოფუებამდე
ბისკვიტზე მოათავსეთ ვაშლის მასა და ამოჭერით მრგვალი დისკები, გადაასხით ერთმანეთში გადარეული შოკოლადი, ზეთი და დაცეხვილი მიწის თხილი. გააფორმეთ კრემით.
