ესთეტიკურ მედიცინას დღევანდელ რეალობაში ერთ-ერთი ყველაზე მნიშვნელოვანი როლი უკავია, როგორც ქალბატონების, ასევე მამაკაცების ცხოვრებაში, რადგან ნებისმიერ ადამიანს სურს გამოიყურებოდეს მუდმივად ახალგაზრდად, ჯანსაღად და მიმზიდველად. მთავარია ჩვენი თავი ვანდოთ ადამიანს, რომელსაც აქვს შესაბამისი ცოდნა, გამოცდილება და არის საკუთარი საქმის პროფესიონალი. სწორედ ასეთია ჟურნალ OK!-ს სტუმარი. მიიჩნევს, რომ ესთეტიკური მედიცინა სწორედ ის სფეროა, რომელიც მოითხოვს მუდმივ განვითარებასა და ცოდნის გაღრმავებაზე ზრუნვას. მისი მრავალწლიანი გამოცდილება და შედეგები კი უპირობოდ იმის გარანტიაა, რომ პროფესიონალის ხელში ხართ. მაშ ასე, გაიცანით ექიმი-კოსმეტოლოგი, თეა მრევლიშვილი, რომელიც უფრო ვრცლად გვიამბობს საკუთარი გამოცდილებისა და მომსახურებების შესახებ.
გაგვეცანით და გვიამბეთ თქვენი საქმიანობის შესახებ. როდის დაინტერესდით პირველად ესთეტიკური კოსმეტოლოგიით?
უკვე 17 წელია ესთეტიკის სფეროში ვმოღვაწეობ. პირველად ჩემივე სახის კანის პრობლემამ დამაკავშირა ამ პროფესიასთან, – მოზარდობისას სახის კანზე ასაკობრივი პრობლემები დამეწყო. თავდაპირველად ჩემი პირადი ინტერესების გამო ჩავუღრმავდი კოსმეტოლოგიას, შემდეგ უფრო გამიტაცა და სპეციალობად ვაქციე. და აი, ასე გადმოვინაცვლე სტომატოლოგიიდან კოსმეტოლოგიაში. ორივე ადამიანის სიჯანსაღეს და როგორც შინაგან, ასევე ვიზუალურ ესთეტიკას მოიცავს, შესაბამისად, უცხო ნამდვილად არ ყოფილა ეს სფერო ჩემთვის.
პროფესიული გზა, რომელიც დღემდე გაიარეთ.
აქტიურად ვესწრები კონფერენციებს, ღონისძიებებს, საერთაშორისო დონის შეკრებებს, კონგრესებს როგორც საქართველოში, ასევე საზღვარგარეთ. გავიარე ძალიან ბევრი გადამზადება მსოფლიოს სხვადასხვა ქვეყანაში, რამაც ძალიან მაღალ საფეხურზე ამიყვანა ჩემს სფეროში. ამავდროულად, ვარ გერმანული კომპანია Dives Med Georgia-ს ოფიციალური ტრენერი უკვე მესამე წელია და აქტიურად ვარ ჩართული როგორც კოსმეტოლოგების დატრენინგებაში, ასევე მათი კვალიფიკაციის ამაღლებაში ინდივიდუალურად.
პრეპარატებზე მოგვიყევით, რომლებსაც იყენებთ.
ჩემი ფავორიტი პრეპარატი ისევ და ისევ გერმანული კომპანიის Dives Med Georgia-ს პრეპარატებია, რასაც დამსახურებული აქვს ყველაზე მაღალი შეფასებები და ფლობს ყველა მნიშვნელოვან სერტიფიკატს ესთეტიკის სფეროში. ამის გარდა ვიყენებ ყველა იმ პრეპარატს, რომლებიც ბაზარზე უკვე წლების გამოცდილია ოფიციალურად და მაღალი ხარისხით სარგებლობს.
როგორია თქვენი მიდგომები და რა არის თქვენი ნიშა? რატომ უნდა აირჩიოს პაციენტმა თქვენი მომსახურება?
ჩემს ცხოვრებაში ყველაზე მნიშვნელოვანი როლი უკავია ესთეტიკურ სფეროს, რა თქმა უნდა, ეს არის „ბედნიერების სილამაზე“.
თითოეული პაციენტი ჩემთვის არის ინდივიდუალური და ვუდგები შესაბამისად, საჭიროებებიდან გამომდინარე. ჩემთან მოსულმა პაციენტმა ყოველთვის იცის, რომ მიიღებს მაღალი ხარისხის მომსახურებას უმაღლესი ხარისხის პრეპარატებით. სწორედ ეს არის ჩემი წარმატების გასაღები.
როგორია თქვენი სამომავლო გეგმები?
ჩემი სამომავლო გეგმაა არ გავჩერდე განვითარების გზაზე. ჩვენი სფერო ემსახურება ისეთ სილამაზის ხელოვნებას, რომელსაც მუდმივად სჭირდება განახლება, განვითარება და წინსვლა, ამიტომ არასოდეს შევჩერდები ამ გზაზე.
რა თქმა უნდა, ყველა ექიმის ოცნება და სურვილია ჰქონდეს საკუთარი სივრცე, სადაც მიიღებს პაციენტებს და გაუშვებს მათ გაღიმებულებსა და ბედნიერებს.
ტექსტი: ციაკო ღამბაშიძე
ფოტო: ალექსეი სეროვი
