„ბეკო“ 25 წელია საქართველოს ბაზარზეა და სტაბილურად გვანებივრებს მომხმარებლებს. ამჯერად ძალიან საინტერესო სიახლეზე, დახვეწილი დიზაინისა და თანამედროვე ტექნოლოგიების ახალ ხაზზე – Beyond-ზე გავამახვილებთ ყურადღებას.
Beyond-ის ხაზში გაერთიანებული ყველა პროდუქტი გამოირჩევა ახალი, ფუნქციური დიზაინის, უფრო ღრმა გაზქურებით, გაგრილების სისტემით, გლუვი ზედაპირებით, განიერი კარებით, პროდუქციის შენახვის გაუმჯობესებული სისტემით, ბრენდის DNA კი ერთი საერთო მიზნის გარშემო გაერთიანდა – Live like a Pro („იცხოვრე პროფესიონალივით“).
კომპანიამ საქართველოში საქმიანობა 1997 წელს, ბათუმში გახსნილი ერთი მაღაზიით დაიწყო, დღეს კი „ბეკოს“ ანგარიშზე ქვეყნის მასშტაბით 98 სავაჭრო წერტილი, 5 სერვისცენტრი, 800 დასაქმებული ადამიანი და ასობით ათასი ერთგული მომხმარებელია.
მომხმარებელთა ნდობა კომპანიამ წლების განმავლობაში მომსახურების მაღალი დონით, ინოვაციური ტექნიკით, პროდუქციის ფართო ასორტიმენტითა და კადრების პროფესიონალიზმით მოიპოვა. „ბეკოს“ ამ წარმატებულ საქმიანობას კი სტრატეგია – „იცხოვრე ჩემპიონივით“! – აერთიანებს. „იცხოვრე ჩემპიონივით“ გულისხმობს ეკომეგობრულობას, რადგან ჯანსაღი ცხოვრება შეუძლებელია, თუ არ იქნება ჯანსაღი პლანეტა. ასევე, ბრენდი მნიშვნელოვნად ზრუნავს ადამიანებზე, მოუწოდებს მათ ჯანსაღი ცხოვრების სტილისკენ. ესაა ერთ-ერთი მთავარი პრიორიტეტი.
განვლილი 25 წლის განმავლობაში კომპანია ფეხდაფეხ მიჰყვებოდა საქართველოს განვითარებას, გადალახა არაერთი ეკონომიკური რყევა და ღირსეულად გაუმკლავდა ქვეყნის საშინაო თუ საგარეო გამოწვევებს.
კომპანია წლიდან წლამდე ვითარდება და ფართოვდება, თუმცა არ აპირებს მიღწეულზე გაჩერებას და მომავალში გაფართოებას. მომხმარებლისთვის მრავალფეროვანი, ხარისხიანი პროდუქციის შეთავაზებასა და სფეროში ინოვაციური მეთოდების დანერგვას გეგმავს.
გარდა საყოფაცხოვრებო ტექნიკის სამომხმარებლო ბაზარზე წამყვანი პოზიციებისა, „ბეკო“ საქართველოში მრავალი სოციალური და ჰუმანიტარული პროექტის მონაწილეა და კომპანია ამაყობს ამ მიმართულებით მიღწეული შედეგებით.
