„სომნი“ არის ქართული ბრენდი, და აწარმოებს იმ აქსესუარებსა თუ ტანისამოსს, რომელიც ადამიანს უქმნის კომფორტულ და ჯანსაღ პირობებს ძილისთვის. ბრენდი გამოირჩევა დახვეწილი და ლამაზი დიზაინით. პროდუქცია დამზადებულია საქართველოში და შექმნილია უმაღლესი ხარისხის ქსოვილებისგან. „სომნი“ მუდმივად ზრუნავს თავის მომხმარებელზე. აღსანიშნავია, რომ ბრენდი იცავს გარემოს დაბინძურებისაგან, რაც იმაში გამოიხატება, რომ ყველა გამოყენებული ნაჭერი და შესაფუთი მასალა ბიოდეგრადირებადია. ჟურნალი OK! ბრენდის დამფუძნებელ ნინო შუბლაძეს ესაუბრა.
გაგვაცანით ბრენდი. რამდენი ხანია, რაც ბაზარზე ოპერირებს?
„სომნი“ არის ქართული კომპანია, აწარმოებს იმ აქსესუარებსა და ჩასაცმელს, რომელიც ადამიანს უქმნის კომფორტულ და ჯანსაღ პირობებს ძილისთვის. არ არის დიდი ხანი, რაც ბრენდი დაარსდა − 2021 წლის აგვისტოში დავიწყეთ პროდუქციის გაყიდვა.
როგორ გაჩნდა ბრენდის დაარსების იდეა?
ბრენდის დაარსების იდეა გაჩნდა პანდემიის პერიოდში − მაშინ, როდესაც მაღაზიები იყო დაკეტილი, მოქმედებდა სხვადასხვა შეზღუდვა, რომელიც ხელს გვიშლიდა სასურველი პროდუქციის შეძენაში. ვინაიდან ვსწავლობ მოდის ბიზნესსა და კომუნიკაციებს უნივერსიტეტში საზღვარგარეთ, კარგად ვხედავ ფასისა და ხარისხის შეუსაბამობას ჩვენს ქვეყანაში. ამიტომ მინდოდა შემექმნა ბრენდი, რომელიც აწარმოებდა საუკეთესო ხარისხის პროდუქციას მისაღებ ფასად.
რას სთავაზობთ მომხმარებელს?
მომხმარებელს ვთავაზობთ სახლის ეკოლოგიურად სუფთა სამოსს, პიჟამებსა და ხალათებს. ასევე, გვაქვს თმის აქსესუარები, რომელიც არ აზიანებს თმას და პირიქით − იცავს. ძალიან მალე ვაპირებთ 100%-ით ნატურალური აბრეშუმისგან დამზადებული პროდუქციის მომხმარებლისთვის შეთავაზებას.
სად შეგვიძლია თქვენი პროდუქციის შეძენა?
ჩვენი პროდუქციის შეძენა ამჯერად შესაძლებელია ონლაინ, ჩვენს საიტზე Somni.ge და ასევე ჩვენს სოციალურ ქსელებში − ინსტაგრამსა და ფეისბუქზე.
გვესაუბრეთ ხარისხზე.
თითოეული პროდუქტი, რომელსაც ჩვენ ვაწარმოებთ, დამზადებულია საქართველოში, იკერება ინდივიდუალურად. გამოყენებულია ისეთი მაღალი ხარისხის ქსოვილები, როგორიცაა მალბერის აბრეშუმი (Mulberry Silk), ხავერდოვანი აბრეშუმი (Velvet Silk) და ა.შ. ჩვენი პრიორიტეტია მაქსიმალურად ნატურალური და ბიოდეგრადირებადი მასალების გამოყენება.
რა გამოარჩევს ბრენდს სხვებისგან?
ბრენდი გამორჩეულია ხარისხით, კომფორტითა და ორიგინალური დიზაინით. ასევე იმით, რომ „სომნი“ იცავს გარემოს − ყველა მასალა ბიოდეგრადირებადი და ეკოლოგიურად სუფთაა.
სამომავლო გეგმები…
სამომავლოდ, ვაპირებთ პროდუქცია გავხადოთ უფრო მრავალფეროვანი. დიდი სურვილი გვაქვს, საკუთარი ნაწარმი საქართველოს საზღვრებს გარეთ გავიტანოთ.
FB: Somni • სომნი
Insta: somni_sleepwear
Somni.ge
595 80 80 62
