მარიამ თევზაძე – საქართველოს საერთაშორისო სავაჭრო პალატის დირექტორთა საბჭოს წევრი, ტურიზმის კომიტეტისა და Bioligems-ის ხელმძღვანელი
მარიამ, როგორც ვიცით, ტურიზმით იყავი დაკავებული, როგორ გაგიჩნდა იდეა, შეგექმნა საიუველირო კომპანია?
ასეა, ახლაც ვარ საქართველოს საერთაშორისო სავაჭრო პალატის დირექტორთა საბჭოს წევრი, ტურიზმის კომიტეტის ხელმძღვანელი და ამავდროულად, Bioligems-ს ვხელმძღვანელობ. გულწრფელად ვიტყვი, ბიზნესის ლომის წილი აგებულია კავშირებზე. კომპანიის შექმნის იდეა ძალიან მარტივია – ერთ-ერთ საერთაშორისო სამიტზე გავიცანი ქალი, ის სინგაპურის უდიდესი საიუველირო ქარხნის ერთ-ერთი მფლობელის ცოლი აღმოჩნდა. უკრაინელია, მაგრამ უკვე დიდი ხანია სინგაპურში ცხოვრობს, ბევრი საერთო აღმოვაჩინეთ, რადგან დედაჩემიც უკრაინელია და გადავწყვიტეთ წარმომადგენლობის საქართველოში გახსნა.
ვმუშაობთ მხოლოდ წინასწარი შეკვეთით, არ გვაქვს მაღაზია, მაგრამ გვაქვს პატარა შოურუმი ჭავჭავაძის გამზირზე, სადაც შესაძლებელია ჩვენი რამდენიმე ნაკეთობის ნახვა. სამუშაოს ასეთი ფორმატი, ისევე როგორც პირდაპირი კონტაქტი საბითუმო ქარხანასთან, გვაძლევს საშუალებას, შევინარჩუნოთ ყველაზე კონკურენტუნარიანი ფასები, რადგან არ გვაქვს დამატებითი ხარჯები.
როგორ ხდება შეკვეთა?
შეკვეთა შესაძლებელია ჩვენს შოურუმში. ვმუშაობთ მხოლოდ უმაღლესი ხარისხის ბუნებრივი ქვებით GIA საერთაშორისო სერტიფიკატებით, ჩვენი პროდუქციისთვის ვიყენებთ მხოლოდ უმაღლესი მახასიათებლების მქონე ბრილიანტებს და დეტალურად ვუხსნით მყიდველს ყველა ნიუანსს, ვინაიდან, გარდა ცნობილი პარამეტრებისა – ფერი, გამჭვირვალობა, წონა, ჭრა, ბრილიანტს აქვს მრავალი დამატებითი თვისება, რაც გავლენას ახდენს ელვარებასა და ფასზე – ფლუორესცენცია, სიმეტრია, გაპრიალება, ჩართვის ტიპი და ასე შემდეგ, რაც GIA-ს სერტიფიკატებში არც არის ნახსენები. ქარხანას აქვს მსოფლიოს აბსოლუტურად ყველა ძვირფასი და იშვიათი ქვა. ქვებს ყიდულობენ აუქციონებზე მთელ მსოფლიოში. პროდუქტის შერჩევა შესაძლებელია ჩვენი კატალოგიდან ან თქვენივე დიზაინით. ჯერ ვირჩევთ ძვირფას ქვებს, შემდეგ ვაკეთებთ და ვათანხმებთ 3D მოდელს, რის შემდეგაც ვიწყებთ წარმოებას. წარმოების ვადა შეკვეთის მიღების მომენტიდან მიღებამდე შეადგენს 15-20 დღეს, სირთულის მიხედვით. ჩვენი ერთგული მომხმარებლები ახორციელებენ შეკვეთებს ონლაინ, ისინი უკვე დარწმუნებულნი არიან, რომ ჩვენ კარგად გვესმის, რა სურთ მათ და სრულყოფილად ვასრულებთ ჩვენს საქმეს.
ბოლო წლების განმავლობაში დაფიქსირდა ონლაინსამკაულების კოლოსალური ზრდა მსოფლიო ბაზარზე: 2020 წელს სექტორის ღირებულება დაახლოებით 21 მილიარდ დოლარად შეფასდა. ვარაუდობენ, რომ 2025 წლისთვის ეს მაჩვენებელი 39 მილიარდ აშშ დოლარს მიაღწევს. რა თქმა უნდა, ამ ბაზრის ყველაზე დიდი წილი აშშ-ს ეკუთვნის – 22%.
ელექტრონული კომერციის პლატფორმების მეშვეობით შესყიდვების 75% ქალებმა განახორციელეს. ბრილიანტის საქორწილო ბეჭდები შეადგენს ონლაინ გაყიდული პროდუქციის 40%‑ს, დღესდღეობით მყიდველები უპირატესობას ანიჭებენ პერსონალიზაციის ვარიანტებს, 70%-ით მეტს, ვიდრე მზა პროდუქციის შეძენას, როგორც ოფლაინ, ისე ინტერნეტმაღაზიებში.
დაბოლოს, მხოლოდ გასულ წელს ყველა ტრანზაქციის 45% განხორციელდა მობილური მოწყობილობების გამოყენებით, რაც მოწმობს, რომ დღეს, ინტერნეტის საშუალებით ძვირფასი ქვების შეძენის საკითხში მოხერხებულობა მნიშვნელოვან როლს თამაშობს. ეს სტატისტიკა არის საიუველირო ონლაინგაყიდვების წარმატების მძლავრი მაჩვენებელი. ეს აჩვენებს, რომ მომხმარებლები უფრო და უფრო ხშირად მიმართავენ ონლაინ ინდივიდუალიზაციის მოხერხებულობას და არა მაღაზიაში არსებულ ტრადიციულ გამოცდილებას. 2020 წელს ინდივიდუალური დიზაინის სამკაულების გაყიდვებმა შეადგინა ონლაინგაყიდვების დაახლოებით 15% და ეს მაჩვენებელი მუდმივად იზრდება. ეს სტატისტიკა არის ინდივიდუალური სამკაულების დიზაინის მზარდი პოპულარობის მტკიცებულება, რადგან სულ უფრო მეტი ადამიანი ირჩევს პერსონალიზებულ სამკაულს. ფოტოსესიისთვის განსაკუთრებული მადლობა Biltmore Hotel-ს, შოთა რუსთაველის 29, თბილისი 0108.
