თამარ სხირტლაძე, 92 წლის
თეატრისა და კინოს მსახიობი, დამსახურებული არტისტი, თბილისის საპატიო მოქალაქე
სიცოცხლე საინტერესო რამაა, მუდმივი მოძრაობა კი მას მეტად უხდება. ღმერთს ვუყვარვარ, იცის, რომ ჩემთვის გაჩერება არ შეიძლება და ყოველთვის მაძლევს ასპარეზს. პანდემიის დროს, როდესაც ყველაფერი გაჩერდა, მაშინაც კი ვმუშაობდი. აი, ახლაც, როგორც კი მითხარით, რომ უნდა გადაგეღეთ, მაშინვე დავიწყე სამზადისი.
ჩემს პროფესიას განსაკუთრებით ახასიათებს ადამიანების სიყვარული, და საოცარი გრძნობაა, როდესაც ხალხიც სიყვარულს გიბრუნებს.
ვისაც ასაკის ეშინია, ვეტყვი − ასაკის კი არა, საკუთარი თავის უნდა ეშინოდეთ. არასდროს უნდა გაჩერდეთ, მუდამ უნდა ვითარდებოდეთ, განათლება ძალიან მნიშვნელოვანია. დღე არ გავა, რომ რაიმე ახალი არ ვისწავლო და წავიკითხო. სიცოცხლე ძალიან საინტერესო რამაა.
ფოტო: ლაშა ღუღუნიშვილი
