#OK! SeboCalm თქვენი სილამაზისა და ჯანმრთელობისთვის

SeboCalm ქართულ ბაზარზე გამოჩენის დღიდან დიდი პოპულარობით სარგებლობს. საზოგადოების მხრიდან მისი ამგვარი სიყვარული განპირობებულია აღნიშნული ბრენდის პროდუქციის ხარისხითა და ეფექტიანობით. SeboCalm მომხმარებლებს სთავაზობს მაღალ სტანდარტს მორგებულ სახისა და სხეულის მოვლის საშუალებების ფართო ასორტიმენტს. დეტალური ინფორმაციისთვის OK! გაესაუბრა საქართველოში ბრენდის წარმომადგენელს, მარიამ ქოჩლაძეს.

გვიამბეთ SeboCalm-ის შესახებ.

SeboCalm ისრაელის წარმოების პრემიუმ ხარისხის ბრენდია, რომელიც მომხმარებელს ბუნებრივი ინგრედიენტებით დამზადებულ დერმო-კოსმეტიკურ საშუალებებს სთავაზობს. ბრენდის ისტორია ისრაელის ერთ-ერთ აფთიაქში იწყება. აფთიაქის მფლობელმა ორმა ფარმაცევტმა ათასობით მომხმარებელზე დაკვირვებისა და მათი საჭიროებების შესწავლის შემდეგ, გადაწყვიტეს შეექმნათ სახისა და სხეულის მოვლის საშუალებები, რომლებიც განსაკუთრებით იდეალური იქნებოდა მგრძნობიარე, გაღიზიანებული და სიწითლისადმი მიდრეკილი კანისთვის. სწორედ ამიტომ, პროდუქცია შექმნილია ბუნებრივი, აქტიური ინგრედიენტებით, სამკურნალო მცენარეებით და უმაღლესი ხარისხის მცენარეული ზეთებით. დღეს SeboCalm ისრაელის წამყვანი ბრენდია და ბაზრის 40%-ზე მეტი უჭირავს, რაც ნიშნავს იმას, რომ ისრაელში გაყიდული პროდუქციის თითქმის ნახევარი SeboCalm-ის პროდუქტია. ბრენდს ჰყავს მილიონობით კმაყოფილი და ლოიალური მომხმარებელი. იყიდება მსოფლიო მასშტაბით მრავალ განვითარებულ ქვეყანაში. პროდუქცია დამზადებულია ევროკავშირის რეგულაციებისა და GMP (ISO 22716:2007) and ISO 9001:2015 სტანდარტით. SeboCalm-ის ფასეულობებიდან გამომდინარე, ბრენდი ეკოლოგიურ საკითხებზეც ზრუნავს. კომპანია უარს ამბობს ცხოველებზე ცდების ჩატარებაზე, ანუ სრულად Cruelty-free გახლავთ. ასევე უარს ამბობს არადეგრადირებულ მასალაზე, მათ შორის − პროდუქტის პოლიეთილენის შეფუთვებზე.

რა სახის პროდუქციას სთავაზობთ მომხმარებლებს?

SeboCalm მომხმარებელს სთავაზობს სახისა და სხეულის მოვლის საშუალებების ფართო ასორტიმენტს, როგორიცაა: თვალისა და სახის დამატენიანებელი, სახის დასაბანი გელი, მისი და მაკიაჟის მოსაშორებელი საშუალებები; ნაოჭსაწინააღმდეგო პროდუქტები, BB-კრემი, ქსოვილის ნიღბები, ტალახის ნიღაბი, დეოდორანტი, შამპუნი, დასაბანი ლოსიონი და ყველა სხვა ის პროდუქტი, რომელიც თავის მოვლისთვის გამოიყენება. SeboCalm-ის პროდუქცია 4 ხაზს აერთიანებს:

Classic − შექმნილია მგრძნობიარე, სიწითლისკენ მიდრეკილი კანისთვის და საუკეთესოა გაღიზიანებული, პრობლემური კანის სამკურნალოდ.
Innovation − ხაზი მოიცავს ანტიასაკობრივ პროდუქტებს, რომლებიც ხელს უშლის ნაოჭების წარმოქმნას. საუკეთესოა ცხიმიანი, გამონაყარისკენ მიდრეკილი ზრდასრული კანისთვის.
Young − საუკეთესოა ცხიმიანი, გამონაყარისკენ მიდრეკილი ახალგაზრდა კანისთვის.
Baby − სპეციალურად შექმნილია ბავშვის დელიკატური და მგრძნობიარე კანის დასაცავად და გასაძლიერებლად პირველივე დღიდან.

მთავარი ნიშა, რომელიც თქვენს პროდუქციას გამოარჩევს…

SeboCalm-ის ყველა პროდუქტი არის ჰიპოალერგიული, არ შეიცავს პარაბენებს, სხვა მავნე ნივთიერებებს და რეკომენდებულია მგრძნობიარე კანისთვის. რაც მთავარია, ყველა პროდუქტი შექმნილია ნატურალური ინგრედიენტების ბაზაზე. ვფიქრობ, ეს არის ის, რაც გამოარჩევს და ღირებულს ხდის ჩვენს პროდუქტს.

სად შეუძლიათ მომხმარებლებს თქვენი პროდუქციის შეძენა?

პროდუქტის შესაკვეთად უნდა მოგვწერონ ჩვენს Facebook და Instagram-გვერდებზე პირად შეტყობინებაში, ან შეიძინონ ონლაინ, Mymarket-ისა და Wolt-ის პლატფორმებზე.

ნებისმიერ შემთხვევაში შეძენილ პროდუქტს სასურველ მისამართზე მიიღებთ მთელი საქართველოს მასშტაბით.

სამომავლო გეგმები.

სამომავლოდ ვგეგმავთ გაყიდვების არხების გაზრდას. უპირველეს ყოვლისა, მიზნად გვაქვს დასახული ონლაინ არხების ათვისება. ამ ეტაპზე, ასევე, გვაქვს შემოთავაზება რამდენიმე წამყვანი აფთიაქისგან. შესაბამისად, მიმდინარეობს აქტიური მოლაპარაკება. გარკვეული პერიოდის შემდეგ, იგეგმება სტენდებისა და მონობუტიკების გახსნა.