დენიელ სტერნმა, რომელმაც საახალწლო კომედიაში „მარტო სახლში“ „სველი ბანდიტის“ – მარვის როლი შეასრულა, სამართალდამცავი ორგანოების ყურადღება გასული წლის დეკემბერში მიიქცია. გამოძიების მასალების მიხედვით მსახიობმა მეძავს ფული გადაუხადა, რომ მასთან ინტიმური ურთიერთობა დაემყარებინა. შემთხვევა კალიფორნიის ერთ-ერთ სასტუმროში მოხდა.
საქმე ვენტურას ოლქის სასამართლომ განიხილა. სპეციალური სასწავლო კურსის დასრულების შემდეგ, მსახიობმა მომხდარის გამო სინანული გამოთქვა. დღეს, რაიონული პროკურატურის წარმომადგენელმა განაცხადა, რომ სტერნის მიმართ სისხლის სამართლის საქმე შეწყდა.
„ბრალდებულმა ის გააკეთა, რაც უნდა გაეკეთებინა. მან სასწავლო კურსი დაასრულა და გათავისუფლდა. ეს არის სტანდარტული სასჯელი პირებისთვის, რომლებმაც პროსტიტუციაში დანაშაული პირველად ჩაიდინეს“ – ციტირებს New York Post სასამართლოს წარმომადგენლის სიტყვებს.
დენიელ სტერნი სასამართლოს სხდომას არ დასწრებია. მისი ინტერესების დაცვას ადვოკატი ბლერ ბურკი ახორციელებდა.
„როგორც ველოდით, საქმე შეწყდა და ჩვენ კმაყოფილები ვართ“, – თქვა ადვოკატმა.
მიუხედავად იმისა, რომ „მარტო სახლში“-ს პირველი ნაწილის გამოსვლიდან თითქმის 25 წელი გავიდა, მას დღემდე უამრავი გულშემატკივარი ჰყავს, რომელიც საყვარელი მსახიობების ცხოვრებას თვალს ადევნებს.
ქურდი მარვის როლის შემსრულებელი დიდი ხანია, სამსახიბო კარიერას ჩამოშორდა. სტერნი აღნიშნავს, რომ გადასაღებ მოედანზე ყოფნას მშვიდი ცხოვრება ურჩევნია, ამიტომ დიდი ხანია, რაც კალიფორნიაში, საკუთარ ფერმაში ცხოვრობს და ჰოლივუდის წვეულებებსა და სხვადასხვა ღონისძიებებს აღარ ესწრება.
68 წლის მსახიობის თქმით, დღეს „რეალური ცხოვრებით“ ცხოვრობს. დაკავებულია ლაშქრობით, პირუტყვის მოშენებით, საკუთარი პროდუქციის მოყვანით და ქანდაკებების შექმნით.
„ბუნებაში ყოფნა მიყვარს. ჩემი მარტოობა და იმ საქმეზე ფოკუსირება მიყვარს, რასაც ვაკეთებ. ფერმის სამყარო ჩემთვის შესანიშნავი ადგილია.” – ამბობს მსახიობი.
„სველი ბანდიტის“ თქმით, ფილმი “მარტო სახლში” პრემიერის შემდეგ აღარ უნახავს, ხანდახან თუ მოჰკრავს ტელევიზორში თვალს სხვადასხვა ეპიზოდს.
დენიელი 1980 წელს მსახიობ ლორა მატოსზე დაქორწინდა. წყვილს 3 შვილი ჰყავს.
სულ ახლახან ცნობილი გახდა მსახიობის გარდაცვალების შესახებ, რომელმაც საკულტო კომედიაში კევინის დედის როლი შეასრულა. კეტრინ ო’ჰარა 71 წლის ასაკში, საკუთარ სახლში გარდაიცვალა.
ასევე დაგაინტერესებთ
