საქართველოს ეროვნული ნაკრები დინამო არენაზე ბრუნდება. ჩვენი გუნდის მეტოქე სომხეთის ნაკრები იქნება. პლეი-ოფის მატჩებში, რომელიც 20-23 მარტს გაიმართება საქართველოს ნაკრები B ლიგაში ადგილის შესანარჩუნებლად იბრძოლებს. პირველ შეხვედრას სოხმეთი უმასპინძლებს, ხოლო საპასუხო მატჩი თბილისში გაიმართება.
ეროვნული ნაკრების შემადგენლობა ერთა ლიგის პლეი-ოფის მატჩებისთვის ცნობილია:
22 ნოემბერს, ნიონში, უეფას ერთა ლიგის პლეი-ოფის წილისყრის შედეგები საქართველოს ეროვნული ნაკრების მთავარმა მწვრთნელმა ვილი სანიოლმა შეაფასა.
,,ჩვენთვის მნიშვნელოვანია არა ის, თუ რომელ ლიგაში ვართ ამჟამად, არამედ ის, თუ სად მივდივართ. ეს გრძელი, საინტერესო და ამაღელვებელი გზაა. იმედი მაქვს, მომავალში კიდევ ერთხელ გავიმეორებთ იმას, რაც უახლოეს წარსულში მოვახერხეთ”.
საქართველოს ნაკრებმა ერთა ლიგის B ჯგუფში პირველად 2024 წელს იასპარეზა. ჩვენმა გუნდმა ჯგუფური ეტაპი 7 ქულით მესამე ადგილზე დაასრულა. მათ ანგარიშზეა 1 მოგება, 1 ფრე და 3 წაგება. სომხეთის ნაკრებმა ერთა ლიგის C დივიზიონი 7 ქულით მეორე ადგილზე დაასრულა. 1 მოგება, 1 ფრე, 3 წაგება.
ერთა ლიგის ბოლო მატჩში საქართველოს ეროვნული ნაკრები ჩეხეთს დაუპირისპირდა, სადაც მინიმალური ანგარიშით 2-1 დამარცხდა. ერთადერთი გოლი გიორგი მიქაუტაძემ გაიტანა. სომხეთის ეროვნული ნაკრები ლატვიის ნაკრებს დაუპირისპირდა და ანგარიშით 2-1 დაამარცხა მეტოქე.
აღსანიშნავია, რომ აქამდე გუნდები ერთმანეთს 7-ჯერ შეხვდნენ, საიდანაც საქართველოს ნაკრებმა სომხეთი 3-ჯერ დაამარცხა. ბოლოს გუნდები კი ერთმანეთს 2020 წლის ნომებერში დაუპირისპირდნენ.
