მეგან მარკლი Balenciaga-ს ჩვენებაზე პირველად გამოჩნდა. ეს ევროპაში ჰერცოგინიას პირველი ვიზიტი იყო უკანასკნელი ორი წლის განმავლობაში. Balenciaga-ს ახალი კრეატიული დირექტორის, პაოლო პიჩოლის სადებიუტო ჩვენება, რომელიც პარიზის მოდის კვირეულის ფარგლებში გაიმართა, მეგანის გამო ერთი საათით გადადეს.
მიუხედავად იმისა, რომ ჰერცოგინიას მოდის ჩვენებებზე იშვიათად ხედავენ, ვარაუდობენ, რომ ის ბრენდის ახალი მუზა გახდა. თავდაპირველად, მეგანი პიერპაოლო პიჩოლის თოვლივით თეთრ კოსტიუმში და შავ მაღალი ქუსლიან ფეხსაცმელში გამოჩნდა, ჩვენების შემდეგ კი შავი კაბა გადაიცვა.
ჰერცოგინია ჩვენებაზე მეუღლის, პრინცი ჰარის გარეშე მივიდა – მას მხოლოდ დაცვის თანამშრომლები ახლდნენ. სასექსებთან დაახლოებული წყაროები ამბობბენ, რომ წყვილი სამუშაო განრიგს ისე გეგმავს, რომ ბავშვებთან ერთ-ერთი მშობელი ყოველთვის იყოს:
„ასეთი წესი აქვთ -სახლში დედა ან მამა ყოველთვის უნდა იყოს, რომ ბავშვები დააძინოს,“ — ამბობს წყარო.
მეგანის საფრანგეთში ვიზიტის ფონზე, ჯერ კიდევ აქტუალურია პრინც ჰარისა და ჩარლზ III-ის ბოლო შეხვედრის ამბები. მიუხედავად იმისა, რომ ჰარი სამშობლოში სწორედ შერიგების იმედით ჩავიდა, ამბობენ, რომ გულწრფელი და თბილი საუბარი ვერ შედგა. პრინცის მეგობრები ამტკიცებენ, რომ შეხვედრა უფრო ოფიციალურ ვიზიტს ჰგავდა, ვიდრე მამისა და შვილის გულახდილ დიალოგს.
შესაძლოა, მეგანი ევროპაში ასე იშვიათად სწორედ ოჯახური უთანხმოებების გამო ჩადის. ეს ევროპაში მისი პირველი მოგზაურობა და პარიზის მოდის კვირეულზე პირველი გამოჩენა იყო მას შემდეგ, რაც 2023 წელს დიუსელდორფში Invictus Games („დაუმორჩილებელთა თამაშები“) გაიმართა.
ბოლო დროს მეგან მარკლთან დაკავშირებულ სიახლეებს თითქმის ყოველთვის სკანდალები ახლავს და ეს შემთხვევაც გამონაკლისი არ ყოფილა. მოდის სამყაროში 10 წუთით დაგვიანებაც კი მიუღებელია, მეგანმა კი პიჩოლის სადებიუტო ჩვენებაზე მთელი საათი დააგვიანა, თუმცა ამის მიუხედავად, ჰერცოგინიას თბილად დახვდნენ. ჩვენების შემდეგ მან პიერპაოლოს შოუს ბრწყინვალე ჩატარება მიულოცა და ანა ვინტურს ესაუბრა. მცირე უხერხულობა აქაც მოხდა – მეგანს უნდოდა მოდელერისთვის ლოყაზე ეკოცნა, მაგრამ შემთხვევით, ცხვირით მის სათვალე შეეხო.
Balenciaga-ს ჩვენებაზე ასევე იმყოფებოდნენ ენ ჰეთეუეი, რომელსაც ამჟამად ფილმში „ეშმაკი ატარებს პრადას 2“ იღებენ და Amazon-ის მფლობელის, ჯეფ ბეზოსის ცოლი, ლორენ ბეზოსი.
აღსანიშნავია ისიც, რომ მეგანი ადრე მოდის კვირეულებზე ნიუ-იორკსა და ტორონტოში ხშირად ჩნდებოდა, ქორწინების შემდეგ მან ასეთ ღონისძიებებიზე დასწრება შეწყვიტა, თუმცა პიჩოლის დებიუტისთვის გამონაკლისი დაუშვა.
ასევე დაგაინტერესებთ
#OK! “ბრძოლა ქალებისთვის” – მეგან მარკლი, ვიქტორია ბექჰემი და კრისტენ ბელი
