მოდის ქართველ ექსპერტს, დალი ჩიტალაძეს ცოტა ხნის წინ გერმანიაში ხერხემლის ურთულესი ოპერაცია ჩაუტარდა. ამასთან დაკავშირებით დალიმ მის ფეისბუქ პოსტში ისაუბრა.
“ამ პოსტს ვუძღვნი იმ ადამიანებს ვისთვისაც ცხოვრებაში ჯანმრთელობა, გულისხმიერება, სიკეთე და გვერდით დგომა პრიორიტეტულ ცხოვრებისეულ ფასეულობას წარმოადგენს❣️“
“ნარკოზიდან და ერთი დღე ღრმა ძილიდან გაბრუებულმა , ეკლესიის გუმბათების ლამაზმა ხმამ გამაღვიძა, თვალი რომ გავახილე ჩემს წინ ბავშობაში წაკითხული ანდერსენის ზღაპრული ულამაზესი ქალაქის პეიზაჟი გადაიშალა, ვფიქრობდი კიდევ ლამაზ სიზმარს ვხედავ ალბათთქო, მაგრამ ტკივილმა გამახსენა რატომ მოვხვდი აქ , გერმანიაში, ბავარიის კუთხეში, პატარა ქალაქ კულმბახის კლინიკაში Klinikum Kulmbach”
“ამ ფიქრებში წასულს კიდევ უფრო მაფხიზლებს ულამაზესი მედდა კრისტინა; guten morgen frauChitaladze 😍, მხიარული თვალები შემომანათა და დამტვრეული ინგლისურით მითხრა უნდა აგაყენოო,, მოკლედ ისეთი მხიარულებით დუში მიმაღებინა, დამკრემა, დამმვარცხნა და მერე უგემრიელესი საუზმე თავისი ხელით მაჭამა…. თავი მართლა კეთილი ფერიების გარემოში , ზღაპარში მეგონა. მიუხედავად იმისა რომ ჩამიტარდა ხერხემლის ურთულესი ოპერაცია, ძალიან დიდი კომფორტით და გულისხმიერებით გაიარა პოსტ ოპერაციულმა პერიოდმა”
ჟურნალი OK! დალი ჩიტალაძეს სწრაფ გამოჯანმრთელებას უსურვებს.
OK! GASTRO BOOK-ის მარტის ნომრის რედაქტორი – დალი ჩიტალაძე.
