OK! გიამბობთ ქართულ ბრენდ „დეკოლტეს“ შექმნის ისტორიას, რომელიც ნონა გურგენიძემ 2020 წელს პანდემიის ფონზე, ხიზანიშვილის 108 ნომერში გახსნა. იმ დროს, როდესაც ყველაფერი იკეტებოდა, „დეკოლტე“ იწყებდა ფუნქციონირებას.
რთულია, „დეკოლტეში“ მოსულმა მომხმარებელმა დაივიწყოს ის განსაკუთრებული გარემო, რომელიც აქ დახვდება: სურნელი, მუსიკა, განლაგება, ტემპერატურა, თანამშრომლების განწყობა და უმაღლესი ხარისხის ტანისამოსი, ვინაიდან ერთი შეხედვით უმნიშვნელო დეტალები ქმნის ადამიანების გონებაში ბედნიერ და სასიამოვნო მოგონებებს. აღსანიშნავია ისიც, რომ „დეკოლტე“ არა მარტო მომხმარებლის კომფორტზე, არამედ თანამშრომლების სურვილებზეც ზრუნავს. სწორედ მათზეა მორგებული აქაური გარემო, სადაც ადამიანები ბედნიერები არიან და ყოველდღე სიამოვნებით დადიან სამსახურში. ყოველივე ეს იმდენად ჰარმონიულად ერწყმის ერთმანეთს, რომ ქმნის „დეკოლტეს“. ეს არის მაღაზია, და მისი საფუძველი ემყარება თითოეული იმ ადამიანის ზრუნვასა და კომფორტს, რომელიც მის კარს შემოაღებს.
აუცილებლად უნდა აღინიშნოს მაღაზიის მენეჯერ თეონას წვლილიც, რომელსაც მომხმარებელმა „ჭიკჭიკა გოგო“ შეარქვა. იგი ძალიან ხშირად იღებს ვიდეოებს „დეკოლტეში“, ათავსებს სოციალურ ქსელში და მომხმარებელს ერთგულად ეხმარება მისთვის სასურველი სამოსის შერჩევაში. ეს პროცესი კი იმდენად საინტერესოა, რომ „დეკოლტეს“ გოგონას ყველა დიდ პატივს სცემს და მუდმივად მოუთმენლად ელიან მის ახალ ვიდეოებს.
აღსანიშნავია ის ფაქტი, რომ „დეკოლტეს“, შექმნის დღიდან ძალიან კარგი გამოხმაურება აქვს. თუმცა ეს ფაქტი არ აფერხებს მის ყოველდღიურად უფრო მეტად განვითარებას. მაღაზიის მფლობელთა დიდი სურვილია, ჰქონდეთ უკეთესი მომსახურება, ხარისხი, და ჰყავდეთ მეტი დასაქმებული ადამიანი. თავდაპირველად, იყო კითხვები ქართულ პროდუქციასთან დაკავშირებით, თუმცა ყოველივე ეს გააქარწყლა იმ სამკერვალომ, სადაც „დეკოლტეს“ ტანისამოსი იქმნება, სადაც თითოეული ადამიანი გულით ასრულებს თავის სამუშაოს და ცდილობს მათი შემოქმედების მომავალი პატრონი ამაყობდეს იმით, რომ აცვია ქართული და გემოვნებიანი ტანისამოსი.
ჩვენი მკითხველისთვის სასიამოვნო სიახლე გვაქვს − სულ მალე „დეკოლტეს“ ქალის ტანისამოსს დაემატება მამაკაცისა და ბავშვის კოლექციებიც, და განახლებული შემართებით გაიხსნება ახალი ფილიალები თბილისის სხვა უბნებსა და რეგიონებში.
