Retro Bazaari ანტიკვარული ავეჯისა და ნივთების მაღაზიაა, სადაც შეგიძლიათ იხილოთ გასული საუკუნეების ვინტაჟური ნაკეთობები. დამეთანხმებით, იშვიათად თუ შევხვდებით ადგილს, რომელიც ერთ სივრცეში აერთიანებს უძველეს ავეჯსა და ნივთებს, სწორედ ამიტომ აუცილებლად უნდა ეწვიოთ და გახდეთ იმ ისტორიის ნაწილი, რომლებსაც ისინი ინახავენ. მანამდე კი წაიკითხეთ ინტერვიუ Retro Bazaari-ის მფლობელ ირენა ხარაზოვასთან.
გვიამბეთ ბრენდის შესახებ. რამდენი ხანია რაც დააფუძნეთ?
ჩემს ოჯახში ყოველთვის ძალიან უყვარდათ ანტიკვარიატი და რაც თავი მახსოვს, ჩვენს სახლში მუდამ იყო ძველებური ავეჯი. დედაჩემი განსაკუთრებული მოყვარული გახლდათ და ძალიან ხშირად ყიდულობდა ანტიკვარულ ნივთებს. 8 წლის წინ დედას ოცნება ავუსრულე და ვაჩუქე მაღაზია, სადაც 3 წლის წინ გახსნა ანტიკვარული ავეჯისა და ნივთების მაღაზია − „რეტრო ბაზარი“.
რას სთავაზობთ საზოგადოებას?
ჩვენს მაღაზიაში წარმოდგენილია როგორც ვინტაჟური, ასევე ანტიკვარული ნივთები. აღსანიშნავია, რომ თვეში ორჯერ ვაახლებთ ჩვენს კოლექციას და საზოგადოებას მუდმივად ახალ და საინტერესო ნივთებსა თუ ავეჯს ვთავაზობთ. შეძენა შესაძლებელია როგორც საცალოდ, თქვენი ანტიკვარული კოლექციის გასამდიდრებლად, ასევე ბინის სრულად მოსაწყობად.
საიდან შემოგაქვთ პროდუქცია?
ჩვენი კოლექციის ნაწილი ჩამოდის ევროპიდან, ნაწილს კი ადგილობრივებისგან ვყიდულობთ.
როგორ ხდება ავეჯისა და ნივთების შეძენა და სად მდებარეობს მაღაზია?
როდესაც ჩვენ ონლაინგაყიდვები დავიწყეთ, მომხმარებლების უმეტესობას მაინც ადგილზე მოსვლა და ნივთის პირადად ნახვა, შეფასება სურდა. დროთა განმავლობაში ჩვენი უმაღლესი ხარისხის ნივთებითა და მაღალი დონის მომსახურებით გავხდით პოპულარულები და მოვიპოვეთ მათი ნდობა. შესაბამისად, მსგავსი მოთხოვნებით აღარ მოგვმართავენ მომხმარებლები. ახლა ძირითადად ონლაინგაყიდვებზე ვმუშაობთ, თუმცა რასაკვირველია შესაძლებელია მაღაზიაში მოსვლაც, რომელიც წინამძღვრიშვილის ქუჩაზე, 54/56-ში მდებარეობს. ვმუშაობთ ყოველდღიურად, კვირის გარდა. ასევე, როგორც უკვე აღვნიშნე, ვმუშაობთ ონლაინ, გვაქვს საიტი, სადაც ვაქვეყნებთ მაღაზიაში წარმოდგენილ ყველა ნივთს და რა თქმა უნდა ძალიან აქტიურად ვსაქმიანობთ სოცქსელებში − ფეისბუქსა და ინსტაგრამზე.
ვინ არიან თქვენი ძირითადი მომხმარებლები?
ქართველ ხალხს ძალიან უყვარს ისეთი ნივთების შეძენა, რომლებიც მათ წინაპრებთან ასოცირდება. შესაბამისად ჩემი მომხმარებლების სიაში შედიან როგორც სასტუმროებისა და მარნების მფლობელები, ასევე ადამიანები, რომელთაც უბრალოდ სახლის ანტიკვარული ნივთებით გაწყობა სურთ.
როგორც ვიცით ემოციური კავშირი გაქვთ ამ ადგილთან. გვიამბეთ ამის შესახებ.
როგორც უკვე აღვნიშნე, ეს მაღაზია ეკუთვნოდა დედაჩემს, რომელიც სამწუხაროდ 1 წლის წინ „კოვიდს“ ემსხვერპლა. მე არასდროს მქონია შეხება ანტიკვარიატთან, მაგრამ მივიღე გადაწყვეტილება, რომ დედაჩემის ხსოვნის პატივსაცემად გამეგრძელებინა ის საქმე, რომელიც მას ასე ძალიან უყვარდა. ვერ დავუშვებდი იმას, რომ მისი ასეთი საყვარელი ადგილის კარი სამუდამოდ დახურულიყო. თავდაპირველად ძალიან რთული და ამავდროულად საინტერესო იყო ეს ყველაფერი. დროთა განმავლობაში მივეჩვიე ამ გარემოს, შევიძინე ძალიან ბევრი ნაცნობი და მეგობარი მომხმარებლების სახით. საბოლოოდ ეს ადგილი ისეთივე საყვარელი გახდა ჩემთვის, როგორიც ეს გახლდათ დედაჩემისთვის. განსაკუთრებით უდიდეს სიამოვნებას მგვრის კმაყოფილი კლიენტების ინტერიერის ფოტოები, რომლებსაც მუდმივად მიგზავნიან.
ბოლოს, სამომავლო გეგმები გაგვიზიარეთ.
ჩვენს გეგმებში შედის კოლექციების მუდმივად განახლება და საყვარელი მომხმარებლების გახარება.
FB: Retro Bazaari
Insta: retro_bazaari
Mail: gregory.kharaz@yahoo.com
www.retrobazaari.com
Tel: 591 11 88 66
წინამძღვრიშვილის ქ. 54/56
