სურსათის ეროვნული სააგენტოს ინფორმაციით, რძის ნიმუშებში აფლატოქსინი გამოვლინდა. სააგენტოს ინფორმაციით, სააგენტოს თბილისისსაქალაქო სამსახურის ინსპექტორებმა, 28 მარტს, შპს „ვიმ-ბილ-დან საქართველოში” (ს/კ 204546553 (სოფლის ნობათი) სახელმწიფო კონტროლი განახორციელეს.
აღნიშნული ტოქსინი არის მიკოტოქსინების ერთ-ერთი სახეობა, რომელიც წარმოიქმნება ობის სოკოების მიერ და შესაძლოა, საფრთხე შეუქმნას როგორც ცხოველთა, ისე ადამიანის ჯანმრთელობას ლაბორატორიული კვლევების შედეგად დადგინდა, რომ გარკვეულ რძის ნიმუშებში აფლატოქსინის შემცველობა აღემატებოდა დასაშვებ ნორმებს. ეს ტოქსინი განსაკუთრებით საშიშია ხანგრძლივი მოხმარების შემთხვევაში, რადგან ის შესაძლოა, ღვიძლის დაზიანებას, იმუნური სისტემის დაქვეითებას და ონკოლოგიური დაავადებების რისკის ზრდას შეუწყოს ხელი.
ლაბორატორიული კვლევის შედეგად აფლატოქსინ M1-ის გადაჭარბებული ოდენობა დაფიქსირდა ხუთ ნიმუშში. კერძოდ;
სასმელი რძე საბავშვო, ულტრაპასტერიზებული – 2,5% ცხიმიანობით – დამზადების თარიღი: 04.02.2025, ვარგისიანობის ვადა: 03.08.2025;
სასმელი რძე რჩეული ულტრაპასტერიზებული, 1,5% ცხიმიანობით – დამზადების თარიღი: 12.02.2025, ვარგისიანობის ვადა: 11.08.2025;
სასმელი რძე რჩეული ულტრაპასტერიზებული, 1,5% ცხიმიანობით – დამზადების თარიღი: 10.02.2025, ვარგისიანობის ვადა: 09.08.2025;
სასმელი რძე რჩეული ულტრაპასტერიზებული, 2,5% ცხიმიანობით – დამზადების თარიღი: 09.02.2025, ვარგისიანობის ვადა: 08.08.2025;
სასმელი რძე რჩეული ულტრაპასტერიზებული, 3,2% ცხიმიანობით – დამზადების თარიღი: 02.02.2025, ვარგისიანობის ვადა: 01.08.2025.
შპს „ვიმ-ბილ-დან საქართველოს“ დაევალა დასახელებული სურსათის პარტიების სარეალიზაციო ქსელიდან ამოღება/გამოთხოვა.
სურსათის ეროვნული სააგენტო მოსახლეობას მოუწოდებს, არ მოიხმარონ აღნიშნული რძე, სანამ არ დასრულდება დამატებითი კვლევები და მიღებული იქნება შესაბამისი ზომები. ასევე, სააგენტომ მეწარმეებს დაავალა, რომ დაუყოვნებლივ ამოიღონ მოცემული პროდუქტი გაყიდვიდან.
