ბაზარზე არსებული თანამედროვე ბრენდების მიერ წარმოებული კანის მოვლის საშუალებების ფართო ასორტიმენტმა განაპირობა ნიშური კოსმეტიკისადმი საზოგადოების დადებითი დამოკიდებულების ფორმირება. ვინაიდან ნიშური კოსმეტიკის მწარმოებლები გამჭვირვალობას არჩევენ მომხმარებლებთან ურთიერთობისას და აცნობენ თავიანთი პროდუქციის ინგრედიენტებს, ამ სახის კოსმეტიკის გაყიდვების რიცხვიც დღითი დღე იზრდება. მნიშვნელოვანია ისიც, რომ ასეთი ტიპის ბრენდები განუწყვეტლივ მუშაობენ თავიანთი პროდუქციის განვითარებაზე, მოიხმარენ ბუნებრივ ან/და ბუნებრივთან თავსებად მასალებს და მუდმივად ცდილობენ ახლო კომუნიკაციის შენარჩუნებას საზოგადოებასთან, რათა შეიტყონ და შემდეგ გაითვალისწინონ მათი აზრი იმის შესახებ, რასაც აწარმოებენ.
აღსანიშნავია ის ფაქტიც, რომ დღეს ერთ-ერთი მთავარი ტრენდი ე.წ. „სუფთა“ კანის მოვლის საშუალებების/კოსმეტიკის მწარმოებლების მიდგომაა, რომელმაც შეცვალა ბაზარი. ბაზრის განვითარებამ კი ხელი შეუწყო იმ ფაქტს, რომ საზოგადოებამ შეიტყო დიდი ტრადიციული ბრენდების პროდუქციის შემცველი ისეთი ნივთიერებების შესახებ, როგორიცაა ტოქსინები, ვაქცინები, აზბესტი და ჰორმონები. ამის პარალელურად კი ახალმა ნიშურმა ბრენდებმა დაიწყეს ბუნებრივი ინგრედიენტების გამოყენება, რამაც გაზარდა მათი პროდუქციისადმი მოთხოვნა.
მნიშვნელოვანია ისიც, რომ ნიშური კოსმეტიკის ბრენდები ძალიან დიდ ყურადღებას აქცევენ თითოეულ ნიუანსს, რაც ხელს უწყობს იმას, რომ სწრაფად განვითარდნენ და იმუშაონ საკუთარი პროდუქციის გამრავალფეროვნებაზე. აღსანიშნავია ისიც, რომ სწორედ ამ მიზეზით ხშირად დიდ ბრენდებს ნიშური კოსმეტიკის მწარმოებელ ბრენდებთან კოლაბორაციის სურვილი უჩნდებათ.