ქართული კომპანია „ლიბო გრუპი“ გაყიდვების სფეროში წამყვანი სადისტრიბუციო კომპანიაა. იგი ახორციელებს სამომხმარებლო და ჰიგიენური საშუალებების დისტრიბუციას როგორც საქართველოს მთელ ტერიტორიაზე, ისე მის საზღვრებს გარეთ. აღსანიშნავია, რომ კომპანია დაარსების დღიდან ლიდერ პოზიციას ინარჩუნებს გაყიდვების სფეროში და მომხმარებლებს მუდმივად ანებივრებს სასიამოვნო სიახლეებით. ამ საკითხთან დაკავშირებით, OK! პირადად გაესაუბრა „ლიბო გრუპის“ მარკეტინგის დეპარტამენტის ხელმძღვანელს, ეკა მაღლაფერიძეს.
ეკა, გვიამბეთ „ლიბო გრუპის“ შესახებ.
კომპანია დაარსდა 2003 წელს, როდესაც ქვეყანაში საკმაოდ რთული ვითარება იყო როგორც ეკონომიკური, ისე პოლიტიკური თუ სოციალური პროცესების გათვალისწინებით. მიუხედავად ამისა, კომპანია წლიდან წლამდე ვითარდებოდა, იმატებდა ახალ ბრენდებს და ძლიერდებოდა. დღეს კი თანამედროვე და ევროპული ტიპის კომპანიაა, რომელსაც ენდობიან მსოფლიოს წამყვანი ბრენდები და მათი ექსკლუზიური დისტრიბუტორია საქართველოში. „ლიბო გრუპი“ თანამშრომლობს სხვადასხვა პარტნიორ კომპანიასთან, რომლის პროდუქცია მსოფლიო ბაზრის წამყვან ბრენდებად გვევლინება. ჩვენმა კომპანიამ ბაზარზე თავისი საქმიანობის პერიოდში არაერთხელ დაამტკიცა პროფესიულად მუშაობის უნარი და სტაბილურობა, რაც უზრუნველყოფს პარტნიორებთან გრძელვადიან და მჭიდრო ურთიერთობას. შესაბამისად, ბაზრის ფლობის მასშტაბის მოდელით, „ლიბო გრუპი“ ფარავს ქვეყნის ტერიტორიაზე არსებულ ყველა წამყვან სავაჭრო ობიექტს, სადაც მოიაზრება მსხვილი და საშუალო ჰიპერმარკეტების თუ სააფთიაქო ქსელები და მცირე სავაჭრო პუნქტები. ცენტრალური ოფისი და საწყობი წარმოდგენილია თბილისში, ხოლო ყველა დიდ ქალაქში ფუნქციონირებს კომპანიის წარმომადგენლობითი ფილიალები. საქართველოს მასშტაბით, „ლიბო გრუპში“ დასაქმებულია 200-მდე ადამიანი.
გვიამბეთ თქვენს პარტნიორ კომპანია Ontex-ის შესახებ.
Ontex-ი ბელგიური კომპანიაა, რომლის მიზანი გახლავთ მომხმარებლისთვის ახალი გამოცდილების შექმნა პირადი ჰიგიენის მიმართულებით. მათი სურვილია, მომხმარებლებმა იცოდნენ, რომ შეუძლიათ ენდონ აღნიშნული ბრენდის პროდუქციას მაქსიმალური დაცულობისა და კომფორტის მხრივ. Ontex-ის პროდუქცია მორგებულია ბავშვებზე, მოზარდებსა და უფროსებზე.
Ontex-ის რომელი ბრენდის პროდუქციის იმპორტს ახორციელებს „ლიბო გრუპი“?
როგორც უკვე აღვნიშნე, „ლიბო გრუპი“ არაერთ წარმატებულ კომპანიასთან თანამშრომლობს. ერთ-ერთი კი სწორედ Ontex-ია, რომელიც სხვადასხვა ბრენდის პროდუქციით გვამარაგებს. „ქანბებე“ კი Ontex-ის ერთ-ერთი ყველაზე მნიშვნელოვანი ბავშვის საფენების ბრენდია. იგი საფენის დემოკრატიზებას ახდენს და სთავაზობს ხარისხიან პროდუქციას ყველა ბავშვს, მიუხედავად მისი სოციალური სტატუსისა და საჭიროებისა. ეს არის ბრენდი, რომელიც მაღალი ხარისხისა და ხელმისაწვდომი ფასის შენარჩუნებას ყოველთვის ახერხებს. „ქანბებეს“ მიზანია აღმოფხვრას ბავშვთა სამყაროში პრივილეგიები, გაგრძნობინოს თავი ამაყად და დაგარწმუნოს შენი არჩევანის სისწორეში.
„ქანბებეს“ საფენები გამოირჩევა თავისი სირბილითა და კომფორტულობით. იგი დამზადებულია მაღალი ხარისხის ტექნოლოგიით, აქვს სითხის შემწოვი არხები, რომელიც სისველეს სწრაფად იწოვს და თანაბრად ანაწილებს. მომენტალურ სიმშრალეს კი მთავარი ექსპერტები − დედები გვიდასტურებენ. „ქანბებე“ გთავაზობთ სხვადასხვა პროდუქციას ბავშვის მოვლისთვის:
- „ქანბებეს“ საფენები;
- „ქანბებეს“ საფენი ტრუსი;
- „ქანბებეს“ საცურაო ტრუსი;
- სველი საწმენდი;
- ბავშვის ზეწარი;
- საბავშვო შამპუნი;
- საბავშვო კრემი;
- საბავშვო ზეთი.
ჩვენ გვჯერა, რომ ყველა პატარა თანაბრად იმსახურებს კარგ მოვლას.
გვესაუბრეთ „ქანბებეს“ სარეკლამო კამპანიაზე.
„ლიბო გრუპი“ მარკეტინგული თვალსაზრისით აქტიურად მუშაობს „ქანბებესთვის“, რაც გამოიხატება სატელევიზიო რეკლამებით, მომხმარებლებთან უშუალო კომუნიკაციით, სოციალურ ქსელში აქტივობებით, წამახალისებელი კონკურსებითა და იმ საჭირო ინფორმაციით, რომელსაც დედებს ვაწვდით სხვადასხვა მნიშვნელოვანი თემის შესახებ. აღსანიშნავია, რომ სულ მალე მომხმარებელი სატელევიზიო რეკლამის სახით იხილავს „ქანბებეს“ ყველასათვის კარგად ნაცნობი რეკლამის − „რაც ხდება „ქანბებეში“, რჩება „ქანბებეში“, გაგრძელებას. ჩვენთვის ძალიან მნიშვნელოვანია, რომ დასახული ამოცანა ხარისხისა და მაღალი სტანდარტის დაცვით 100%-ით იქნას შესრულებული, რომელიც ეფუძნება ერთიან ძალისხმევას და გუნდური სულისკვეთების პრინციპებს, სადაც თითოეული დეტალი მნიშვნელოვანი და საყურადღებოა, რათა მომხმარებელს გავუწიოთ ხარისხიანი, დროული და ეფექტური მომსახურება. ამ გრძელ ჯაჭვში კი ჩვენ ღრმა მადლიერებას და პატივისცემას გამოვხატავთ თანამშრომლების, მომწოდებლებისა და პარტნიორების მიმართ.
კომპანიის სამომავლო გეგმები.
როგორც უკვე აღვნიშნე, ჩვენი კომპანია მუდმივად ცდილობს განვითარებას, ინოვაციური მიდგომების დანერგვასა და გაფართოებას. აქედან გამომდინარე, მომავალშიც ვაპირებთ სხვა ბრენდებთან თანამშრომლობის დაწყებასა და ჩვენი მომხმარებლის სასიამოვნოდ გაკვირვებას.
ტექსტი: მარიამ მთივლიშვილი
ფოტო: ალექსეი სეროვი
