22 დეკემბერს, კოლორადოს შტატის ქალაქ ასპენში გამართულ ზამთრის პოლოს მსოფლიო ჩემპიონატზე (St. Regis Charity) 41 წლის პრინცმა ჰარიმ მაყურებელი გააოცა. Page Six-ის ინფორმაციით, ჰერცოგი ოფიციალური სამეფო ტიტულების გარეშე, უბრალოდ, უელსელი ჰარის სახელით წარადგინეს. წყაროების ცნობით, პრინცი ასპენში თავის ახლო მეგობართან, 48 წლის პროფესიონალ პოლოს მოთამაშესთან, ნაჩო ფიგერასთან ერთად გასართობად და პოლოს სათამაშოდ, იმყოფებოდა.
ჰარიმ Aspen Valley-ის გუნდის ერთ-ერთი მოთამაშის შეცვალა, ხოლო ნაჩომ თავის ვაჟეებთან ერთად, St. Regis -ში ითამაშა. მიუხედავად იმისა, რომ ჩემპიონატის ორგანიზატორები ინსტაგრამში ჰარის „პრინცი ჰარი“-ს სახელით მოიხსენიებენ, ღონისძიების მიმდინარეობის დროს, ის ჰარი უელსელის სახელით წარადგინეს.
უელსელის გვარს უილიამი და ჰარი სწავლისა და სამხედრო სამსახურის დროს იყენებდნენ. იმ დროს პრინცების მამა, დიდი ბრიტანეთის მომავალი მეფე ჩარლზ III უელსის პრინცი იყო და შვილებმა ტიტული მემკვიდრეობით მიიღეს. უილიამის შვილები ახლა ამ გვარს ოფიციალურად ატარებენ.
დედოფალმა ელისაბედ II-მ ჰარისა და მეგან მარკლს სასექსის ჰერცოგისა და ჰერცოგინიას ტიტულები 2018 წელს უბოძა. მიუხედავად იმისა, რომ 2020 წელს სამეფო მოვალეობებზე უარი თქვეს, წყვილმა ეს ტიტული შეინარჩუნა.
სასექსის ჰერცოგინიამ 2025 წელს, PEOPLE-თან ინტერვიუში მათი ოჯახისთვის სასექსის გვარის მნიშვნელობაზე ისაუბრა. მან აღნიშნა, რომ ეს გვარი მას, ჰარის და მათ შვილებს არჩის და ლილიბეტს აერთიანებს და მათი „სიყვარულის ისტორიის“ მნიშვნელოვანი ნაწილია. Netflix-ის სერიალში მეგანმა ასევე ხაზი გაუსვა, რომ ახლა ის სასექსელად უნდა მოიხსენიონ და არა მარკლად.
ჰარისთვის, რომელიც მამამისისა და ძმის მსგავსად, პოლოს წარმატებული მოთამაშეა, ასპენში თამაში გართობისა და მეგობართან არაფორმალურ ატმოსფეროში ურთიერთობის შესაძლებლობას წარმოადგენდა, სადაც „არანაირი ტიტული, მხოლოდ გართობა“ დღის მთავარ წესად იქცა.
ასევე დაგაინტერესებთ
