Spare პრინც ჰარის, სასექსის ჰერცოგის მემუარი, ავტობიოგრაფიული წიგნია, რომელიც ოფიციალურად 2023 წლის 10 იანვარს გამოვა და რომელსაც საზოგადოება დიდი ხნის განმავლობაში ელოდა.
ყველაზე მნიშვნელოვანი დეტალი, რასაც ჰარი წიგნის დასაწყისში აღნიშნავს, არის ის, რომ მემუარი დაწერა არა როგორც სამეფო ოჯახის წევრმა, არამედ როგორც ჩვეულებრივმა ადამიანმა.
“ამას ვწერ, არა როგორც პრინცი, რომლადაც დავიბადე, არამედ როგორც ადამიანი, კაცი, რომლადაც ამ ცხოვრებაში ვიქეცი. წლების განმავლობაში ბევრი ქუდი მეხურა, როგორც პირდაპირი, ასევე გადატანითი მნიშვნელობით. მინდა მოგიყვეთ ჩემი ისტორია, აღმავალი და დაღმავალი მომენტები, შეცდომები, რომლებიც დავუშვი, გაკვეთილები, რომლებიც ვისწავლე, მინდა ვაჩვენო ადამიანებს, რომ არ აქვს მნიშვნელობა სადაურები ვართ, ჩვენ ბევრი რამ გვაერთიანებს”.
ერთ-ერთი ყველაზე სკანდალური დეტალი, რამაც საზოგადოება ყველაზე მეტად შოკში ჩააგდო იყო გაუგებრობა ჰარისა და უილიამს შორის. სასექსის ჰერცოგმა აღწერა დაპირისპირება, რომელიც დასრულდა იმით, რომ უილიამმა ჰარის ფიზიკური შეურაცხყოფა მიაყენა, “პერანგის საყელოში სწვდა და იატაკზე დაანარცხა”, შემდეგ კი ამტკიცებდა – “მე შენ არ შეგხებივარ, ჰაროლდ”.
აღნიშნული ამბავი 2019 წელს ლონდონში, კენსინგტონის სასახლის ტერიტორიაზე, ნოტინგემის კოტეჯის სამზარეულოში დაიწყო.
როგორც აღნიშნულია წიგნში, მეგანს უილიამმა “რთული” და “უხეში” უწოდა.
“მან მე სახელი დამიძახა, შემდეგ ჩემსკენ გამოიწია. ყველაფერი სწრაფად მოხდა. საყელოში მომკიდა ხელი, ყელსაბამი გამომაგლიჯა, შემდეგ კი იატაკზე დამანარცხა. მე დავეცი ძაღლის თასს, რომელიც გატყდა და ნამსხვრევებმა, რომლებიც შემერჭო წელი მატკინა. ცოტახნით ასე ვიწექი, შემდეგ ფეხზე წამოვდექი და ვუთხარი გასულიყო”.
:max_bytes(150000):strip_icc():focal(389x189:391x191)/prince-william-prince-harry-121322-2b18af9b9f8248a59fa0a29d06baaeef.jpg)
