სადაზღვევო კომპანია „პრაიმი“ შეუერთდა „კარდანახის მამულის“ ღვინის კლუბს – ავთენტური ქართული მეღვინეობის ერთ-ერთ უძველეს და გამორჩეულ სივრცეს.
„კარდანახის მამული“, რომლის მარანიც 1884-1886 წლებშია აშენებული, კახეთის გულისპირში მდებარეობს და უკვე საუკუნეზე მეტია ინახავს ქართული ღვინის კულტურის ნამდვილ სულს. ეს მხოლოდ ღვინის მარანი კი არაა, ეს არის ადგილი, სადაც ისტორია, ტრადიცია და თანამედროვეობა ერთიანდება. აქ სტუმრებს ეძლევათ შესაძლებლობა, შეეხონ უძველეს მეღვინეობრივ მეთოდებს, გაიცნონ ქართული არქიტექტურა და სამზარეულო, და საკუთარ თავზე გამოსცადონ კულტურული გამოცდილება, რომელიც თაობებს გადმოეცემა.
„კარდანახის მამული“ ქმნის ექსკლუზიურ ღვინოებს ტრადიციული ქვევრის მეთოდით, მათ შორის უძველესი უდედო ქვევრის. ღვინო იქმნება ორგანულად მოყვანილი ყურძნისგან და მინიმალური ჩარევით, რაც იძლევა ტერუარისა და ტრადიციის ავთენტურ გამოხატულებას.
„პრაიმისთვის“ ამ პარტნიორობას განსაკუთრებული მნიშვნელობა აქვს.
„ღვინის კლუბის წევრობა საშუალებას მოგვცემს, ჩვენს თანამშრომლებსა და დაზღვეულებს შევთავაზოთ განსაკუთრებული პირობები და გამოცდილება კარდანახის მამულის გარემოში:
- ღვინის დეგუსტაცია და ტერუარის შემეცნება
- გასტრონომიული კულტურის აღმოჩენა – კულინარიული მასტერკლასებითა და ტრადიციული კერძების დაგემოვნებით
- სტუმრობა სასტუმროში, რომელიც კახეთის ულამაზეს ხედებს გადაჰყურებს“.
შეგახსენებთ, კომპანია 2007 წლიდან ოპერირებს ქართულ სადაზღვევო ბაზარზე, 2018 წელს კი განახორციელა რებრენდინგი − ახალი სახელითა და ახალი ხედვით წარდგა მომხმარებლის წინაშე. ეს არის კომპანია, რომელიც თავის მომხმარებელს სთავაზობს სადაზღვევო პროდუქტების მთლიან სპექტრს და ყოველთვის ცდილობს შექმნას მეტი, ვიდრე, უბრალოდ, სადაზღვევო მომსახურება. ბრენდის პოზიციონირება მის გაბედულ სტრატეგიაშია, რაც ყველა მომხმარებლის ინტერესების მაქსიმალურად გათვალისწინებას გულისხმობს.
ტექსტი: სოფიო მალანია
ფოტო: გვანცა ახალაია
